ცნობილი მსახიობი ლეონარდო დიკაპრიო და ახალგაზრდა მოდელი კამილა მორონი ერთმანეთს უკვე 1 წელზე მეტია ხვდებიან, მიუხედავად ამისა წყვილი არც ისე ხშირად მოხვედრილა საზოგადოების ყურადღების ცენტრში. თუმცა ამჯერად ისინი პაპარაცებმა შოპინგის დროს შენიშნეს.

44 წლის ლეონარდო სადა სამოსში იყო გამოწყობილი, მას Madewell-ის სპორტული ზედა და ჯინსის შარვალი ეცვა, რასაც ტრადიციულად ბეისბოლის კეპი შეუხამა.

21 წლის მოდელმა კი მზიანი დღისთვის ჯინსის მოსაცმელი, ქვედაბოლო, თეთრი მაისური და თეთრი სპორტული ფეხსაცმელი შეარჩია. ამ ყველაფერთან ერთად კი ოქროსფერი რგოლის ფორმის საყურე და შავი სათვალე მოიხდინა. კამილამ სადა ჩაცმულობას Chanel-ის ჩანთითა და დიდი ზომის ქამრით კლასიკური სტილი შესძინა.

შეგახსენებთ, რომ ლეონარდო დიკაპრიოს სულ მალე დიდ ეკრანებზე ლეგენდარული რეჟისორის, კვენტინ ტარანტინოს ფილმში ვიხილავთ.