გაზაფხულის მოსვლასთან ერთად ცნობილმა ფრანგულმა ბრენდმა, HERMES-მა ქალბატონებს თავბრუდამხვევი საჩუქარი გაუკეთა. მცენარეებისა და ყვავილების სურნელებით გაჯერებული არაჩვეულებრივი სუნამო ბრენდის ცნობილ "ბაღების სერიას" შეემატა. სუნამოს შეძენას კი ყველასათვის საყვარელ პარფიუმერულ მაღაზიათა ქსელ "ისი პარი"-ში შეძლებთ, რომელმაც ახალი პროდუქციის პრეზენტაცია გამართა.

HERMES-ის ახალი სუნამო "UN JARDIN SUR LA LAGUNE" ვენეციის ულამაზესი ბაღის მდიდრული არომატებითაა გაჟღენთილი, რომელიც სადა ფლაკონში იყრის თავს. პარფიუმერი, კრისტინ ნაჟელი, რომელიც ბრენდს 2 წლის წინ შეუერთდა, სწორედ ვენეციის ამ ბაღმა შთააგონა, რომელშიც დრო ჩერდება და ბუნება ჰყვავის.

"ჩემთვის ამ სუნამოს სურნელი ყველასგან გამორჩეული, მზიანი და თბილია, ის სახეზე ღიმილს მოგგვრით," - კრისტინ ნაჟელი.

სუნამოს პრეზენტაცია მისთვის შესაფერის გარემოში, Cafe Verde-ს ულამაზეს ტერასაზე შედგა. სწორედ ამ ღონისძიებაზე გახდა ცნობილი, რომ HERMES-ის "UN JARDIN SUR LA LAGUNE", ისევე როგორც "ბაღების სერიის" ყველა სუნამო, განკუთვნილია როგორც ქალბატონებისთვის, ასევე მამაკაცებისთვის.

როგორც "ისი პარის" მარკეტინგისა და პიარის დეპარტამენტის ხელმძღვანელმა ხატია შამუგიამ აღნიშნა, ახალი სუნამოს არომატი ზღვით დანამული და ქარის მიერ მოალერსებული აყვავებული ხეების სურნელს მოგაგონებთ.

ესტუმრეთ "ისი პარის" მაღაზიათა ქსელს და გაუკეთეთ განსაკუთრებული საჩუქარი საყვარელ ადამიანს.