ნაომი კემპბელის პირადი ცხოვრება ბოლო დროის ერთ-ერთი ყველაზე აქტუალური თემაა, ის და მისი ახალგაზრდა რჩეული ლიამ პეინი ტაბლოიდების ყურადღების ცენტრში წყვილის სტატუსით უკვე არაერთხელ მოხვდნენ. თუმცაღა წყვილმა მორიგ ღონისძიებაზე როგორც ყოველთვის ცალ-ცალკე გამოსვლა და პოზიორობა არჩია.

25 წლის მომღერალი და მუსიკოსი ლიამ პეინი WE Day-ს ღონისძიებაზე პერფორმანსით გამოვიდა, ნაომიმ კი ბავშვებს გამამხნევებელი სიტყვით მიმართა.

ჭორების თანახმად ნაომი და ლიამი ერთმანეთს უკვე სამი თვეა ხვდებიან, თუმცა ისინი ყველა მნიშვნელოვან ღონისძიებასა და წვეულებაზე ცალ-ცალკე გამოდიან, რადგან ნაომის არ სურს ურთიერთობის ოფიციალური სახის მიცემა. ალბათ სწორედ ამიტომ შეწყვიტა მოდელმა ღონისძიებაზე ინტერვიუს მიცემა, როდესაც მას ჟურნალისტებმა ლიამთან დაკავშირული კითხვა დაუსვეს.

48 წლის მოდელმა ღონისძიებისთვის 1330 დოლარის ღირებულების კაბა, 1755 დოლარიანი მოსაცმელი და 1790 დოლარიანი ჩექმა Victoria Beckham-ის 2019 წლის შემოდგომა/ზამთრის კოლექციიდან შეარჩია.

შეგახსენებთ, რომ ამავე ღონისძიებაზე პრინცი ჰარი სიტყვით გამოვიდა, ხოლო მისმა მეუღლემ უემბლის სტადიონზე შეკრებილ საზოგადოებას სიურპრიზი მოუწყო.