კიმ კარდაშიანსა და კანიე უესტს სამი შვილი ჰყავთ, მაისში კი ისინი სუროგატი დედისგან მეოთხეს ელოდებიან. წყვილი შვილებთან ერთად დიდ დროს ატარებს და მათ განსკუთრებით ანებივრებს ისევე როგორც პომპეზური დაბადების დღის წვეულებებით, ასევე საჩუქრებითა და მოგზაურობით. ამჯერად კიმმა უფროსი შვილი, ნორთ უესტი მონრეალში წაიყვანა.
დედა-შვილი კანადაში პირადი თვითმფრინავით გაემგზავრა, კიმმა კი მგზავრობისას გადაღებული თბილი ფოტოები გულშემატკივრებს სოციალური ქსელის მეშვეობით გაუზიარა. "მენატრებიან ჩემი პატარები! ნორთი ჩემთან ერთად წამოვიყვანე მონრეალში."- წერს მოდელი.
კიმმა მგზავრობისთვის Louis Vuitton-ის ფერადი ჩემოდანი და Hermes-ის ნიანგის ტყავის ცისფერი ჩანთა შეარჩია.
