უემბლის სტადიონზე WE Day-ს ღონისძიება გაიმართა, რომელიც ყოველწლიურად ახალგაზრდების სხვადასხვა პროგრამებში ჩასართველად ეწყობა. ყველასათვის საყვარელი პრინცი ჰარი კი სიტყვით გამოვიდა და სწორედ ამ დროს ჰარის მოულოდნელად მეუღლე, მეგან მარკლი შეუერთდა.

"ახლა კი ჩემს მეუღლეს ამოვიყვან სცენაზე. მე ვარ თქვენთან ერთად და ჩვენ ვართ თქვენთან ერთად! ახლა კი შეუდექით საქმეს! - განაცხადა პრინცმა ჰარიმ.

სასექსის ჰერცოგინიამ საზოგადოებასთან შეხვედრისთვის სადა ჩაცმულობა შეარჩია, თუმცაღა კლასიკური სტილი მაინც შეინარჩუნა, მას შავი მომდგარი შარვალი, ამავე ფერის ზედა, შავი ქუსლიანი ფეხსაცმელი და 530 ფუნტის ღირებულების Smythe-ს ბრენდის ლურჯი ფერის პიჯაკი ეცვა.

მეგანის გამოჩენა საზოგადოებისთვის ძალიან მოულოდნელი და სასიხარულო იყო.

შეგახსენებთ, რომ გუშინ მეგანი და ჰარი პრინც უილიამთან და ქეით მიდლტონთან ერთად პრინც ჩარლზის საპატივცემულოდ მოწყობილ ღონისძიებაზე იყვნენ.