სამეფო ოჯახის წევრები პრინც ჩარლზისთვის გამართულ წვეულებაზე სრული შემადგენლობით იყვნენ. მეგან მარკლი, პრინცი ჰარი, ქეით მიდლტონი და პრინცი უილიამი ერთად პრინც ჩარლზის უელსის სათავეში დგომის 50-ე იუბილის აღსანიშნავად შეიკრიბნენ. ამ წვეულებას ყველაზე განსაკუთრებულს მეგანისა და ქეითის ერთობლივი საჯარო გამოსვლა ხდის, რომელსაც საზოგადოება შობის დღესასწაულის შემდეგ ელოდებოდა.

ღონისძიებისთვის ფეხმძიმე მეგანმა Amanda Wakeley-ს 895 ფუნტის ღირებულების მოსაცმელი, ოქროსფერი პრიალა კაბა, Paul Andrew-ს ქუსლიანი ფეხსაცმელი და Wilbur and Gussie-ს ლითონისფერი კლაჩი შეარჩია.

ქეითმა კი ღია ცისფერი გრძელსახელოიანი კაბა მოირგო, რომელსაც ამავე ფერის კლაჩი შეუხამა. კემბრიჯის ჰერცოგინიას ჩაცმულობის ავტორის ვინაობა ჯერჯერობით უცნობია, როგორც ვრცელდება, კაბა მისმა "პირადმა მკერავმა" შეკერა.

სამეფო ოჯახში შესვლის დღიდან ქეითი და მეგანი მუდმივად საზოგადოების კრიტიკის ქარცეცხლსა და ყურადღების ცენტრში არიან, დღევანდელი ღონისძიებაზეც მათმა გამოჩენამაც, რა თქმა უნდა, ყველაზე დიდი ყურადღება მიიპყრო.

აღსანიშნავია, რომ სამეფო ოჯახის ოთხეული დედოფალს მომავალ ორშაბათს კიდევ ერთხელ შეუერთდება, თუმცა ამჯერად უესტმისტერის სააბატოში ერების თანამეგობრობის დღის აღსანიშნავად.