სამეფო ოჯახის წევრების ურთიერთობა და ზოგადად მათი ცხოვრება ისევე როგორც ბრიტანელებისთვის, ასევე მთელი მსოფლიოსთვის საინტერესოა. მეგან მარკლი და ქეით მიდლტონი როგორც ყოველთვის ყურადღების ცენტრში არიან და მათი სამეფო ოჯახში შესვლის დღიდანვე მათი პირადი ურთიერთობა, ჩაცმულობა, წარსული თუ აწმყო საზოგადოების განხილვის საგანია. არაერთხელ გავრცელებულა ჭორი, რომ სასექსისა და კემბრიჯის ჰერცოგინიებს დაძაბული ურთიერთობა აქვთ, რაც სიმართლეს არ შეესაბამება, თუმცაღა ვინაიდან და რადგანაც საზოგადოება ამ თემაზე მუდმივად საუბრობს, ცნობილმა ფოტოგრაფმა - ელისონ ჯექსონმა მათი ორეულები იპოვა და მათი ჩხუბის ამსახველი კადრები დააფიქსირა.
ელისონ ჯექსონის ამ პროექტში მეგანი და ქეითი ერთმანეთს მწარედ უსწორდებიან.
შეგახსენებთ, რომ სამეფო ოჯახის წევრების ორეულების ფოტოსესიას ელისონ ჯექსონი პირველად არ აწყობს. მან პრინცი ჰარისა და მეგან მარკლის ორეულები მშობიარობისთვის მზადების პროცესში გადაიღო.
