ელექტრონული მუსიკის ცნობილი ჯგუფის The Prodigy-ის სოლისტი კით ფლინტი 49 წლის ასაკში გარდაიცვალა. მომღერალი ინგლისში, საკუთარ სახლში პოლიციელებმა იპოვეს.
ვარსკვლავის გარდაცვალების მიზეზი ჯერჯერობით უცნობია და როგორც ქ. ესექსის პოლიცია აცხადებს, მომღერლის სიკვდილთან დაკავშირებით საეჭვო დეტალები არ არსებობს.
აღსანიშნავია, რომ მომღერლის სახლში გამოძახებულ სასწრაფოს თანამშრომლებს კითი უკვე გარდაცვლილი დახვდათ.
საქართველოს მელომანებისთვის The Prodigy განსაკუთრებული ჯგუფია, რადგანაც 2016 წელს ბათუმის ჯაზ-ფესტივალის ფარგლებში სწორედ ამ ჯგუფის კონცერტი გაიმართა და მასზე დასწრებული მსმენელების რაოდენობამ ყველანაირ მოლოდინს გადააჭარბა.
