ჯონი დეპი და მისი მეუღლე ემბერ ჰარდი 15 თვიანი ქორწინების შემდეგ 2016 წელს საკმაოდ სკანდალურად დაშორდნენ ერთმანეთს. ემბერი მსახიობს ალკოჰოლიზმში, ნარკოტიკების მოხმარებასა და ოჯახურ ძალადობაში ადანაშაულებდა და დეპისგან კომპენსაციასაც ითხოვდა. მიუხედავად იმისა, რომ წყვილის დაპირისპირება 3 წლის წინ დაიწყო ჯონი და ემბერი ერთმანეთს სასამართლოში კიდევ ერთხელ შეხვდებიან. ამჟამად სასამართლოში სარჩელი დეპმა შეიტანა და მეუღლისგან ფულად ანაზღაურებასაც ითხოვს.
55 წლის მსახიობი მეუღლეს მცდარ ბრალდებაში ადანაშაულებს და მისგან 50 მილიონ დოლარს ითხოვს. დეპი შეეცდება დაამტკიცოს, რომ მას მეუღლისთვის არაფერი დაუშავებია.
ახალ სარჩელში ემბერის წინა წლის ინტერვიუცაა ნახსენები, რომელშიც ის თავს ოჯახური ძალადობის მსხვერპლად აცხადებს. დეპის აზრით კი ეს ყველაფერი ემბერის პირადი პიარისა და რეკლამისთვის კეთდება.
"ქალბატონმა ჰერდმა იცოდა, რომ მისი მოფიქრებული ტყუილი კარგად იმუშავებდა. დეპისადმი აღძრული მცდარი ბრალდებების დამსახურებით, 32 წლის ქალბატონმა ძალადობის საწინააღმდეგო ორგანიზაციის #MeToo-ს მხარდამჭერებს შორის დიდი პოპულარობა მოიპოვა."- აცხადებს დეპის ადვოკატი.
შეგახსენებთ, რომ ყოფილ მეუღლესთან არსებული პრობლემების მიუხედავად ჯონი მაინც ახერხებს პირადი ცხოვრების ქონას და სულ ცოტა ხნის წინ მასთან ერთად ახალგაზრდა გოგონაც შენიშნეს.