53 წლის სინდი კროუფორდმა ამჯერად გამოცემა Porter Edit-ის გადაღებაში მიიღო მონაწილეობა და ვრცელი ინტერვიუც ჩაწერა, სადაც ის ბევრ ისეთ საკითხზე საუბრობს, რომელსაც აქამდე ამა თუ იმ მიზეზის გამო გვერდს უვლიდა.
„Playboy-თვის გადაღებულ ჩემს საოცარ ფოტოებს ვუყურებ და ვფიქრობ, რომ სულ შიშველი უნდა მევლო. ვცდილობ, ყოველთვის ახალგაზრდულად გამოვიყურებოდე, მაგრამ ჩემი სხეული აღარ არის ისეთი მიმზიდველი, როგორიც 30 წლის ასაკში,“- განაცხადა სინდიმ ინტერვიუში საუბრისას.
კროუფორდმა შვილზე, საკმაოდ წარმატებულ მოდელზე კაია გერბერზეც ისაუბრა და აღნიშნა, რომ ძალიან უხარია მისი წარმატებები და ყოველთვის განსაკუთრებულად გულშემატკივრობს, თუმცა ერთი ფაქტი აღელვებს, კერძოდ სოციალურ ქსელებში კაიას მიმართ ხშირად გამოქვეყნებული სალანძღავი ტესტები, რაც ძალიან მოქმედებს მასზე და ცდილობს შვილს მიყენებული ტკივილი შეუმსუბუქოს.