კალიფორნიაში ორგანიზაცია The Women’s Cancer Research Fund-ის გალა საღამო ონკოლოგიური პრობლემების მქონე ქალბატონების მხარდასაჭერად გაიმართა. საქველმოქმედო წვეულებას ჰოლივუდის არაერთი ვარსკვლავი დაესწრო, მათ შორის იყვნენ მაილი საირუსი, მისი მეუღლე ლიამ ჰემსვორტი, შერონ სტოუნი, დემი მური და სხვები.
წყვილმა საღამოსთვის კლასიკური ტანისამოსი შეარჩია, მაილის Tom Ford-ის 3150 დოლარიანი პიჯაკი და ამავე ბრენდის 1890 დოლარიანი შარვალი ეცვა.
წვეულებას 39 წლის მსახიობი ქეით ჰადსონიც დაესწრო, ის თავის რჩეულთან, დენი ფუკიჯავასთან ერთად იყო.
მას სიმსივნით დაავადებული ქალბატონების თანადგომისთვის გადაეცა Courage Award.
საქველმოქმედო საღამოს ცნობილი მსახიობები დემი მური და შონ პენიც დაესწრნენ, რომლებიც წვეულების განმავლობაში ერთ მაგიდასთან ისხდნენ.
წვეულებას არც 60 წლის მსახიობ შერონ სტოუნს გამორჩენია, რომელმაც საღამოსთვის ლეოპარდის პრინტიანი ქურქი, შავი ბრჭყვიალა ზედა და შარვალი მოიხდინა. ამ ყველაფერს კი რგოლის ფორმის დიდი საყურეები შეუხამა.
ასაკის მიუხედავად ქალბატონი არაჩვეულებრივად გამოიყურება და სოციალურ ქსელში ატვირთულ ფოტოზე გულშემატკივრებისგან არაერთი კომპლიმენტიც დაიმსახურა.
"სიტყვები არ მყოფნის!!"
"არაჩვეულებრივად გამოიყურები!!"
"ვაუ! რა სილამაზეა!! ნამდვილი დივა!!"