ქალბატონების გულთამპყრობელი, 43 წლის ფეხბურთელი დევიდ ბექჰემი არაერთხელ დაუდანაშაულებიათ მეუღლის, ვიქტორია ბექჰემის ღალატში, მიუხედავად ამისა ვარსკვლავური წყვილის ურთიერთობამ დროს გაუძლო, ისინი უკვე 21 წელია ერთად არიან და 4 საერთო შვილი ჰყავთ. ამჯერად დევიდ ბექჰემი პაპარაცების ობიექტივმა მოცეკვავე გოგონას საჯდომის შეთვალიერებისას დააფიქსირა.
ყოფილი ფეხბურთელი დღემდე სპორტის დიდი მოყვარულია და ხშირად ესწრება კალათბურთის მატჩებს, განასკუთრებით კი იმ თამაშებს, რომლებშიც Los Angeles Lakers-ის გუნდი მონაწილეობს. ბექჰემი ლოს-ანჯელესში გამართულ თამაშს დაესწრო, რომელშიც Los Angeles Lakers-ი და New Orleans Pelicans-ი შეერკინენ ერთმანეთს.
როგორც აღმოჩნდა დევიდი მხოლოდ კალათბურთელების ყურებით არ იყო დაკავებული, ამაზე კი მატჩის დროს გადაღებული ფოტოები მეტყველებს.
ფეხბურთელთან ერთად მისი საუკეთესო მეგობარი, ლივ ტაილერის მეუღლე დეივ გარდნერი იყო, რომელიც ასევე არ ჩანდა თამაშით დიდად დაინტერესებული და სულ ტელეფონში იყურებოდა.
ცნობილი დიზაინერის მეუღლემ ლოს-ანჯელესში გამართული მატჩისთვის სადა ტანსაცმელი, მაგრამ საკმაოდ მოდური, Y-3-ის სპორტული ფეხსაცმელი შეარჩია, რომლის ფასი 330 ფუნტს შეადგენს.