მაშინ, როდესაც მსოფლიოს კინოვარსკვლავები ოსკარის წითელ ხალიჩაზე ბრწყინავდნენ, 43 წლის მსახიობი ანჯელინა ჯოლი დროს შვილებთან ერთად ატარებდა. ანჯელინა 6-ივე შვილთან ერთად სულ ახალი ფილმის "The Boy Who Harnessed the Wind"-ის კინოჩვენებაზე ნიუ-იორკში დააფიქსირეს.

ჯოლის მუქი ლურჯი მოსასხამი და შავი კლასიკური შარვალი ეცვა, რასაც შავი ქუსლიანი ფეხსაცმელი და ვერცხლისფერ ჯაჭვიანი ჩანთა შეუხამა.

საღამოსთვის ანჯელინას შვილებმაც კლასიკური სტილის ტანსაცმელი მოიხდინეს.

შვილებთან ერთად გასეირნებამდე კი ანჯელინა დღისით, სოჰოს უბანში შენიშნეს, სადაც ის საქმიანი ლუქით გამოჩნდა. როგორც ჩანს ანჯელინას შავი ფერი განსაკუთრებით უყვარს და ყოველდღიურ თუ გამოსასვლელ ტანსაცმელს ამ ფერში ატარებს.

მიუხედავად იმისა, რომ მსახიობი თავის ცხოვრებაზე საჯაროდ არ საუბრობს, ის პაპარაცების კამერებს მაინც ვერ დაემალება.