ოსკარის რიგით 91-ე დაჯილდოების გამარჯვებულების სია უკვე ცნობილია, თუმცა თავისუფლად შესაძლებელია ჯერ კიდევ არ გქონდეთ ოსკარზე გამარჯვებული ფილმები ნანახი და სწორედ ახლა ნახოთ ისინი! სწორედ ამიტომ, კინოთეატრები "ამირანი" და "კავეა" გიკეთებთ საჩუქარს და გთავაზობთ დაჯილდოების რჩეულ ფილმებს დიდ ეკრანებზე!
აუცილებლად ნახეთ ფილმი "მწვანე წიგნი", რომელმაც 3 ჯილდო მოიპოვა. მან მოიპოვა წლის საუკეთესო ფილმის სტატუსი. ასევე მაჰერშალა ალიმ, რომელიც მონაწილეობს "მწვანე წიგნში" მოიპოვა ოსკარის ქანდაკება ნომინაციაში "საუკეთესო მეორეხარისხოვანი როლის შემსრულებელი". ყველაზე ორიგინალური სცენარის ჯილდოც გადაეცა სწორედ ამ არაჩვეულებრივ ფილმს. სწორედ ამ მიზეზების გამო, არ გამოტოვოთ "მწვანე წიგნის" კინოჩვენება!
ცნობილი მომღერლის, ფრედი მერკურის ბიოგრაფიაზე გადაღებულ ფილმს, "ბოჰემურ რაფსოდიას" საზოგადოებისგან ძალიან დიდი გამოხმაურება მოჰყვა. როკ-ჯგუფის, Queen-ის გულშემატკივრებისთვის ეს ფილმი განსაკუთრებით ემოციური იყო და როგორც მოსალოდნელი იყო არც ოსკარების ცერემონიაზე დაუტოვებიათ უყურადღებოდ. ფილმის მთავარმა გმირმა, რემი მალეკმა მართლაც საუკეთესოდ შეასრულა ფრედი მერკურის როლი და სწორედ ამ შესრულებისთვის დაიმსახურა ჯილდო ნომინაციაში "საუკეთესო მსახიობი". ფილმმა ასევე მიიღო პრიზი ხმის საუკეთესო მონტაჟისთვის. იხილეთ ფილმი კავეა ისთ ფოინთსა და კავეა გალერეაში!
საუკეთესო მსახიობი ქალის სტატუსი ოლივია კოლმანმა მოიპოვა, რომელიც ფილმში "ფავორიტი" მთავარ როლს ასრულებს. ამ ფილმის ნახვას კი კინოთეატრ ამირანში შეძლებთ!
პატარებო არ მოიწყინოთ! თბილისის კინოთეატრებში თქვენთვის საყვარელი "სპაიდერ-მენი" ბრუნდება, რომელმაც 2019 წლის ოსკარის დაჯილდოებაზე საუკეთესო ანიმაციის სტატუსი მოიპოვა.
ალბათ არავის გაჰკვირვებია, რომ საუკეთესო გრიმისა და ვარცხნილობის ნომინაციაში გამარჯვებული ფილმი "ვიცე-პრეზიდენტი" გახდა, რომელშიც მსახიობი კრისტიან ბეილი მთავარ როლს ასრულებს. მისი ამოცნობა კი ფაქტიურად შეუძლებელია და ეს სწორედ მისი არაჩვეულებრივი გრიმის დამასხურებაა.
კინოს სეანსებთან დაკავშირებული დეტალები იხილეთ საიტზე.
