ლოს-ანჯელესში ოსკარის რიგით 91-ე დაჯილდოება ჩატარდა, მოდური ლუქებისა და გამორჩეული წყვილების გამოჩენის გარდა ცერემონიაზე უცნაურმა მოვლენებმაც მიიპყრო საზოგადოების ყურადღება. ფოტოგრაფების ობიექტივში სასაცილო და საკმაოდ უცნაური კადრები მოხვდა.
ცერემონიის ერთ-ერთი უმთავრესი გმირი, რამი მალეკი, ოსკარის ქანდაკების მიღების შემდეგ სცენიდან ჩამოვარდა. 37 წლის მსახიობის ეს ინციდენტი არც კამერებს გამოჰპარვია.
მიუხედავად იმისა, რომ მას სერიოზული დაზიანება არ მიუღია წაქცევისთანავე მის გასასინჯად მოვიდნენ ექიმები. ვარსკვლავისთვის ეს საღამო საკმაოდ ემოციური იყო, რადგან მან პირველად მიიღო ასეთი მნიშნველოვანი ჯილდო, შესაბამისად მისი ინციდენტიც სავარაუდოდ ამან გამოიწვია.
ცნობილი ამერიკული სერიალის Pose-ის მონაწილის ჩაცმულობამ ოსკარების დაჯილდოებაზე განსაკუთრებული ყურადღება მიიპყრო. მის ფოტოებს ყველა სოციალურ ქსელსა და გამოცემის გვერდზე შეხვდებით. ბილი პორტერი ცერემონიაზე შავი პიჯაკითა და ქვედა ბოლოთი გამოცხადდა.
ბილი პორტერის ჩაცმულობა ხავერდის შავი ნაჭრისგან იყო დამზადებული.
გარდა ბრედლი კუპერთან ერთად შესრულებული დუეტისა, ლედი გაგამ რამი მალეკთან კონტაქტითაც მიიქცია საზოგადოების ყურადღება.
ამ მომენტმა ვარსკვლავების გულშემატკივრები დაარწმუნა, რომ მათ ძალიან კარგი ურთიერთობა აქვთ და კარგი მეგობრები არიან.
რაც შეეხება ლედი გაგას ბრედლი კუპერთან ურთიერთობას, მათი გულშემატკივრები აღფრთოვანებულები ჩანან ცერემონიის კადრებით, რომლებშიც ისინი საკმაოდ ახლოს არიან ერთმანეთთან, რაც კიდევ ერთხელ არწმუნებს საზოგადოებას, რომ მათ ახლო კავშირთან დაკავშირებით გავრცელებული ჭორები სიმართლეა.
