მეგან მარკლისა და პრინცი ჰარის მომავალ შვილთან დაკავშირებული დეტალები დღესდღეობით ერთ-ერთი ყველაზე აქტუალური განხილვის საგანია, საზოგადოებას აინტერესებს ბავშვის სქესი, სახელი და საერთოდ ყველაფერი რაც მას შეეხება. სულ ახლახანს მეგან მარკლს მეგობრებმა "Baby Shower"-ი მოუწყვეს, რომელიც ბავშვის დაბადებამდე სულ ცოტა ხნით ადრე ტარდება. ამ წვეულებაზე მეგობრებმა მეგანს შვილისთვის განკუთვნილი საჩუქრები მიართვეს. "Baby Shower”-ის ფოტოებმა მეგანისა და ჰარის გულშემატკივრებს ეჭვი გაუჩინა, რომ სამეფო ოჯახის მომავალი წევრი გოგონა იქნება.
მცხობელმა დარსი მილერმა, რომელიც ღონისძიების ორგანიზებაში მონაწილეობდა, მის მიერ მომზადებული ნამცხვრების ფოტოები გაგვიზიარა. ნამცხვრები კი ვარდისფრად იყო შეფერილი.
დარსის მიერ ატვირთულ ფოტოებს საზოგადოების დიდი გამოხმაურება მოჰყვა. ფოტოსადმი მიძღვნილ კომენტარებში მეგანის გულშემატკივრები დარწმუნებულნი ჩანან, რომ ოჯახი გოგოს ელოდება.
"მგონი ვარდისფრად შეღებილი ნამცხვრები და ტკბილეული რაღაცის ნიშანია.." - წერს მეგანის ერთ-ერთი გულშემატკივარი.
"გოგოა!!" - ასეთი კომენტარი ფოტოებზე არაერთმა Instagram-ის მომხმარებელმა დაწერა.
შეგახსენებთ, რომ მეგანისთვის მოწყობილი წვეულება New York's Mark hotel-ში გაიმართა, რომლის პენტ-ჰაუსის დღიური საფასური 60,000 ფუნტია. ღონისძიებას დასწრნენ ისეთი ცნობილი ადამიანები, როგორიცაა სერენა უილიამსი, ამალ კლუნი და მარკ ანდერსონი.
ამალ კლუნი
სერენა უილიამსი/ მარკ ანდერსონი და მეგან მარკლი