ოსკარის რიგით 91-ე დაჯილდოებამდე სულ რაღაც 4 დღე რჩება! საზოგადოება ცერემონიას სულმოუთქმელად ელის და გამარჯვებულების სიაზე ფსონებსაც კი დებს. ვნახოთ რას ფიქრობს მაყურებელი და რა მოლოდინებს ამყარებენ კრიტიკოსები. ვინ მოიგებს და ვინ უნდა მოიგოს ოსკარი დაჯილდოება?
მიუხედავად იმისა, რომ "Green Book"-ს გარკვეული კრიტიკა მოჰყვა, კინომანების აზრით ფილმის სიუჟეტისა და ხარისხის დამსახურებით ის მოიპოვებს ჯილდოს კატეგორიაში "საუკეთესო ფილმი". თუმცაღა ფილმი "Roma", რომელსაც ძალიან დიდი გამოხმაურება მოჰყვა აუცილებლად იმსახურებს გამარჯვებას. მაგრან ვინაიდან და რადგანაც ეს ფილმი უცხოენოვანია საზოგადოების აზრით ის ვერ გაიმარჯვებს, როგორი გულდასაწყვეტიც არ უნდა იყოს.
თუ ვინ გახდება "საუკეთესო მსახიობის" ნომინაციის გამარჯვებული, საკმაოდ სადავო საკითხია. ნაწილი თვლის, რომ ამ ნომინაციის ჯილდო უნდა მოიპოვოს რამი მალეკმა. მეორე ნაწილი კი კრისტიან ბეილის ანიჭებს უპირატესობას. თუმცაღა არსებობს მოსაზრება, რომ ვინაიდან და რადგანაც რამი მალეკმა ბოლო დროის მანძილზე არაერთი ჯილდო მოიგო სწორედ "Bohemian Rhapsody"-ის დამსახურებით, მას აღარ მისცემენ ამ ჯილდოს.
რაც შეეხება საუკეთესო მსახიობ ქალს, გლენ კლოუზი უკვე მე7-ედაა წარდგენილი ოსკარის დაჯილდოებაზე და საზოგადოებას დიდი იმედი აქვს, რომ ის სამსახიობო კარიერის 44-ე წელს მაინც მიიღებს ამ ჯილდოს. თუმცაღა კინოკრიტიკოსების აზრით ლედი გაგას არაჩვეულებრივი დებიუტი იმსახურებს სათანადო დაფასებას და მან უნდა მოიგოს ჯილდო ნომინაციისთვის "წამყვანი როლის შემსრულებელი ქალი".
ახლა კი გადავიდეთ მეორეხარისხოვან როლებზე. საზოგადოების დიდი ნაწილი თვლის, რომ ამ ნომინაციის გამარჯვებულის ვინაობა ცალსახაა. ამ კატეგორიაში მსახიობი მაჰარშალ ალი გაიმარჯვებს, რომელიც "Green Book"-ში მონაწილეობს.
მეორეხარისხოვანი როლის შემსრულებელ მსახიობ ქალებს შორის რეჯინა კინგის გამარჯვებაში საზოგადოება ყველაზე მეტადაა დარწმუნებული, თუმცა ემი ადამსის არაჩვეულებრივ პერფორმანსსაც ვერავინ დაივიწყებს, რომელსაც დიდი ალბათობით პრიზი არ შეხვდება.
კინოექსპერტების აზრით წლევანდელ დაჯილდოებაზე წარდგენილ რეჟისორებს შორის გამარჯვებას ყველაზე მეტად ალფონსო კუარონი იმსახურებს, რომლის შედევრიცაა ფილმი "Roma". ამ კატეგორიაში ალფონსო კუარონის მთავარი მეტოქე სპაიკ ლი იქნება, რომელიც "BlacKkKlansman"-ის რეჟისორია.
ლედი გაგასა და ბრედლი კუპერის ერთობლივი ფილმიდან საზოგადოებას ყველაზე მეტად სიმღერა "Shallow" დაამახსოვრდა. ეს სწორედ ის სიმღერაა, რომელიც მსახიობებმა ძალიან ემოციურად შეასრულეს ლედი გაგას ლას-ვეგასის შოუზე. მათი ფანები დარწმუნებულები არიან, რომ ეს კომპოზიცია მოიპოვებს გამარჯვებას.
და ბოლოს კატეგორიაში "საუკეთესო უცხოენოვანი ფილმი" საზოგადოება სრულებით დარწმუნებულია, რომ ფილმი "Roma" გაიმარჯვებს, თუმცაღა ამ შემთხვევაშიც აზრები ორად იყოფა. კინომოყვარულთა ნაწილი თვლის, რომ გამარჯვება პაველ პავლიკოვსკის "Cold War"-მა უნდა მოიპოვოს.