კარლ ლაგერფილდის კატა შუპეტი მსოფლიო მოდის სამყაროში ყველაზე ცნობილი კატაა, ამიერიდან კი ყველაზე მდიდარიც შეიძლება გახდეს. 8 წლის მანძილზე შუპეტი კარლის განუყოფელი მეგობარი იყო და სწორედ ამიტომ შესაძლოა, რომ მას 176 მილიონი ევრო დარჩეს პატრონისგან. სხვა შემთხვევაში კარლის ერთადერთი რეალური მემკვიდრე მისი ნათლული ჰადსონ კრონიგია.

განებრივრებულ ფრანგ კატას, შუპეტს რომელიც საუკეთესო ხარისხის ჭურჭლიდან მიირთმევს საჭმელს, მუშაობს მოდელად და ორი პირადი მომვლელი ემსახურება.

მისი საყვარელი კატის მომავალზე დიზაინერმა გარდაცვალებამდე იზრუნა და დაიბარა, რომ ზუსტად ისე მოეარათ მისთვის როგორც მის სიცოცხლეში უვლიდნენ და შუპეტის პირადი მცველი და ორი მომვლელი ისევ ყოფილიყო მის სამსახურში.

უკანასკნელი მონაცემებით კარლის ქონება 400 მილიონ ევროს შეადგენს, ხოლო მისი კატის, შუპეტის პირადი წლიური შემოსავალი 3 მილიონია.

"შუპეტი მდიდარი გოგოა" - განაცხადა დიზაინერმა ერთ-ერთ ინტერვიუში.

შუპეტს Instagram-ისა და Twitter-ის პირადი გვერდი აქვს, რომელსაც მისი მომვლელები მართავენ.

ცნობილი კატა პირად შემოსავალს სხვადასხვა რეკლამებში მონაწილეობით იღებს.

სხვა კატებისგან განსხვავებით მაგიდასთან ჭამს, მის მენიუს მთავარი კი შებოლილი თევზისა და ხიზილალისგან შედგება.

"შუპეტი ჩემი სამყაროს ცენტრია, მის მოძრაობაში რაღაც განსაკუთრებულს ვხედავ. მისი ელეგანტურობა ჩემი შთაგონების წყაროა" - კარლ ლაგერფილდი.

მიუხედავად იმისა, რომ შუპეტის გამდიდრების შანსი ძალიან დიდია, მისი ყველაზე დიდ მეტოქედ მაინც კარლის ნათლული, ჰადსონ კრონიგი რჩება,  რომელიც დიზაინერს გამორჩეულად უყვარდა და როგორც ცნობილია მასში საკუთარ თავს ხედავდა. ასევე ერთ-ერთ ინტერვიუში განაცხადა, რომ ის მისი ოჯახის წევრია.

თუმცა შუპეტისადმი სიყვარული ყველასგან განსხვავდებოდა. კატის კარლამდე გარდაცვალების შემთხვევაში, დიზაინერის სურვილი იყო მისი, დედამისის და შუპეტის ფერფლი ერთად გაეფანტათ. ამ ყველაფრიდან გამომდინარე გასაგებია რატომ შეიძლება დარჩეს ქონება კატას მაგრამ არსებობს ერთი პრობლემა, ფრანგული კანონმდებლობის მიხედვით ლაგერფილდს არ აქვს მთელი ქონების კატისთვის დატოვების უფლება. თუმცა კარლმა ამ სიტუაციიდანაც იპოვა გამოსავალი. "არაუშავს, მე ხომ ფრანგი არ ვარ" - განაცხადა კარლმა.