33 წლის სუპერმოდელი ირინა შეიკი სულ ახლახანს ინგლისს Bafta-ს დაჯილდოებაზე დასასწრებად ესტუმრა, სადაც მისი მეუღლე იყო ნომინირებული. თუმცაღა ამის შემდეგ ირინა ბრედლისთან ერთად დაბრუნდა ნიუ-იორკში. დღეს კი ლონდონის აეროპორტში პაპარაცებმა შეიკი კიდევ ერთხელ შენიშნეს, თუმცაღა უკვე მეუღლის გარეშე.
ვარსკვლავი არაერთი ცნობილი დიზაინერის შთაგონების წყაროა, მათ შორის Burberry-ის კრეატიული დიზაინერი რიკარდო ტიშიც მოხვდა, რომელსაც მოდელი ყოველთვის განსაკუთრებით გულშემატკივრობს. ამჟამად ლონდონში ცნობილი მოდის კვირეული მიმდინარეობს, რიკარდომ კი ირინას მოსაწვევი და ყვავილები გაუგზავნა, ამის ამსახველი ვიდეო კი მოდელმა სოციალურ ქსელში ატვირთა. ჯერჯერობით უცნობია ირინა ჩვენებაზე მოდელის სტატუსით წარდგება თუ მაყურებლების პირველ რიგში დაიკავებს ადგილს თუმცა ამას დღეს საღამოს შევიტყობთ.
ბრედლი კუპერის საყვარელი ქალი აეროპორტში სრულიად შავი ლუქით გამოჩნდა. მას შავი პალტო და დიდი ზომის ბათინკები ეცვა, რომელსაც პატარა ყავისფერი ჩანთა და შავი საათვალე შეუხამა.
მოდელის ჩაცმულობის მთავარი აქსესუარი იყო ამ წლის ყველაზე პოპულარული და ტრენდული კეპი, რომელიც რუსი დიზაინერის, რუსლან ბაგინსკის კოლექციიდან გახლავთ. ირინა მისი პროდუქციის აქტიური მომხმარებელია და მსგავსი ფორმის ქუდებით არაერთხელ გამოჩენილა საზოგადოებაში.