ლედი გაგა განსხვავებული იმიჯით და გარეგნობაში მუდმივი ცვლილებებით ყოველთვის გამოირჩეოდა. ამჯერად მან სხეულზე 2 ახალი ტატუ გაიკეთა და სოციალურ ქსელში ფოტოებიც ატვირთა.
ახალი ტატუს წარწერაა "La Vie En Rose" რომლის შთაგონების წყარო მომღერლისა და ბრედლი კუპერის საერთო ფილმიდან A Star is Born-ია, რომლის დასაწყისშიც ლედი გაგა ედიტ პიაფის სწორედ ამ სახელწოდების მქონე სიმღერას ასრულებს.
მეორე ტატუ კი ნოტების ნახატია, რომელიც მუსიკოსმა საკუთარი თავის საპატივცემულოდ გაიკეთა, რადგან ნოტები ასე იშიფრება - G A G A.
აღსანიშნავია, რომ ფანებმა მომღერლის ტატუში შეცდომა იპოვეს. ნახატზე 5 ხაზის მაგივრად ოთხი იყო, რაც ვარსკვლავმა მალევე ჩაასწორა და ამის ამსახველი ვიდეო სოციალურ ქსელშიც გაავრცელა.
