სამეფო ოჯახში შესვლის დღიდან მეგან მარკლი მუდმივად კრიტიკის ქარცეცხლშია. მისი ჩაცმულობა, წარსული თუ აწმყო მუდმივად პრესისა და საზოგადოების განხილვის საგანია. ამჯერად მას მამისთვის, თომას მარკლისთვის გაგზავნილი პირადი წერილი გამოუქვეყნეს, რომელშიც მეგანი მათ დაძაბულ ურთიერთობაზე წერს. წერილს, ისევე როგორც ყველა მეგანთან დაკავშირებულ ჭორს, საზოგადოებისგან დიდი გამოხმაურება მოჰყვა, მათ შორის იყო ცნობილი მსახიობი ჯორჯ კლუნიც, რომელმაც ჰერცოგინია დაიცვა.

მეგანს სამეფო ოჯახში შესვლის შემდეგ მამამისთან არაერთი უთანხმოება ჰქონდა, რაზეც ის საჯაროდ არ საუბრობდა. თუმცა თომასმა პრესასთან თავს არ იკავებს და ამჯერად შვილის მიერ აგვისტოში დაწერილი წერილი სახალხოდაც გამოაქვეყნა:”მამა, ძალიან მიჭირს შენთვის ამ წერილის მოწერა. არ მესმის რატომ გადაწყვიტე ჩემთვის ამ ზიანის მოყენება. გული ძალიან მატკინე, როდესაც პრესას განუცხადე, რომ ქორწილამდე დამირეკე და მითხარი, რომ არ მოხვიდოდი ცერემონიაზე. თუმცაღა ეს სიმართლეს არ შეესაბამება, რადგან შენ არ დაგირეკავს. ასევე თქვი, რომ მე შენ ფინანსურად არ გეხმარები და ჩემთვის არასოდეს გითხოვია დახმარება, რაც ასევე ტყუილია. ქორწილის ცერემონიის კვირას მე შენ დაგირეკე, რადგან გავრცელდა ინფორმაცია, რომ გქონდა გულის შეტევა. გირეკავდი, გწერდი, გთხოვდი რომ მიგეღო ჩემი დახმარება, შენთან გამოვაგზავნე დამხმარე, მაგრამ ჩემთვის პასუხის გაცემის ნაცვლად შენ პრესასთან საუბარი არჩიე. ამავდროულად მაშინ, როდესაც ტაბლოიდებთან განაცხადე, რომ ვერ მიკავშირდებოდი, ჩემი ნომერი იყო იგივე, რაც ადრე და შენ ეს იცოდი, მაგრამ მე შენგან არც ერთი ზარი ან შეტყობინება არ მიმიღია.  პირველივე დღიდან ვცდილობდით რომ დაგდგომოდით გვერდში და დაგვეცავი, რაც ძალიან კარგად იცი. ასე რომ ის ყველაფერი რასაც შენ ჰარიზე ლაპარაკობდი პრესასთან, როცა ის ამდენი ხნის მანძილზე მოთმინებით ეკიდებოდა ყველაფერს, ძალიან საწყენია” - წერს მეგან მარკლი.

სწორედ ამ წერილს გამოეხმაურა მსახიობი ჯორჯ კლუნი, რომელიც ბრიტანეთის სამეფო ოჯახთან დაახლოებული პირია. მეგანისა და ჰარის ახლო მეგობარია. ის და მისი მეუღლე სამეფო ქორწილის საპატიო სტუმრებიც იყვნენ და როგორც ირკვევა, სულ მალე, ჯორჯი მათი შვილის ნათლიაც იქნება.

57 წლის მსახიობმა მეგანის კრიტიკასთან დაკავშირებით კომენტარი გააკეთა - “მინდა ვთქვა, რომ ახლა შევიტყვე ამ ყველაფრის შესახებ. ისინი ყველგან დასდევენ მეგანს. ის 7 თვის ფეხმძიმეა და ზუსტად იმავე მდგომარეობაში აღმოჩნდა, როგორშიც პრინცესა დიანა იყო. ისტორია მეორდება და ყველამ ვიცით როგორც დამთავრდა ეს ყველაფერი. ვერც კი გიხსნით რამდენად გამაღიზიანებელია ამ ყველაფრის გაანალიზება. იღებთ წერილს, რომელიც შვილმა მისწერა მამას და აქვეყნებთ ყველგან. ჩემი აზრით ეს უსამართლობაა და სიმართლე რომ გითხრათ გაკვირვებული ვარ ამ საქციელით.”