ბოლო დროს ისეთ ცნობილ ბრენდებს, როგორებიცაა Forever 21, Prada, Moschino და Gucci, რასიზმში დებენ ბრალს. ამჯერად კი კრიტიკის ქარცეცხლში 34 წლის მომღერალი ქეითი პერი მოხვდა.

Katy Perry Collections-ის ახალ კოლექციაში შავი და ღია ვარდისფერი ფეხსაცმელები მოხვდა, რომლებზეც ადამიანის სახეა გამოსახული.

რაღა თქმა უნდა Twitter-ის მომხმარებელებს ეს არ გამოჰპარვიათ და ფეხსაცმლის შავ მოდელს მომენტალურად ცნობილი #Blackface იარლიყი მოარგეს.

#Blackface სოციალური ქსელში ხშირად გამოყენებული ტერმინია, რომელიც დიზაინერების მიერ შავკანიანების დისკრიმინაციას გამოხატავს.

მომღერალს ამ ფაქტთან დაკავშირებით ჯერჯერობით კომენტარი არ გაუკეთებია, თუმცა ფეხსაცმელი გაყიდვიდან უკვე ამოიღეს.