ცნობილი მომღერლის, ფინქის საპატივცემულოდ სულ ცოტა ხნის წინ ჰოლივუდის დიდების ხეივანს კიდევ ერთი ვარსკვლავი შეემატა. 39 წლის ამერიკელი ვარსკვლავი გრემის დაჯილდოებაზე, ნომინაციაში "წლის საუკეთესო ალბომი პოპ მუსიკის ჟანრში" იყო წარდგენილი. სამწუხაროდ მისმა ალბომმა "Beautiful Trauma" მომღერალს გამარჯვება ვერ მოუტანა და ჯილდო არიანა გრანდეს ჩაუვარდა ხელში.
ორი შვილის დედამ გრემის ცერემონიაზე წასვლის მაგივრად სახლში დარჩენა ამჯობინა: "საწყენია, რომ ვერ მოვიპოვე გამარჯვება, თუმცა მაინც მიხარია რომ გრემის დაჯილდოებაზე კიდევ ერთხელ წარმადგინეს. ახლა კი ჩემი სიცხიანი შვილი უნდა ვაბანავო. ყველას გილოცავთ გამარჯვებას! კარგი დრო გაატარეთ! - წერს მომღერალი Twitter-ზე.
ჯილდოს მიღმა დარჩენილმა ფინქს, ყველაზე პატარა გულშემატკივრებმა გრემის ცერემონია სახლში მოუწყვეს და ხელნაკეთი ჯილდო გადასცეს, წარწერით "Best Pop Vocal Album 2019 Grammy Awards" Pink - Beautiful Trauma.
მომღერალმა "პრიზის" ფოტოები სოციალურ ქსელში ატვირთა და თბილი კომენტარიც დაურთო: "მადლობა ბავშვებო, ეს ჩემი საყვარელი ჯილდოა".