ყურადღება ყურადღება, ყველასათვის საყვარელი სერიალი "Big Little Lies" ტელეეკრანებზე სულ მალე დაბრუნდება! ტელეკომპანია HBO-ს მიხედვით სერიალის მეორე სეზონს 2019 წლის ივნისში ვიხილავთ!

გარდა გამოშვების თარიღისა შოუს ახალი ფოტოებიც გავრცელდა, რომლებშიც თქვენს საყვარელ პერსონაჟებს - დედებს იხილავთ.

როგორც იცით სერიალს ახალი სეზონიდან ცნობილი მსახიობი, 3 ოსკარის მფლობელი, მერილ სტრიპი შეუერთდება. ის სელესტის (ნიკოლ კიდმანის) ქმრის, პერის დედის როლს შეასრულებს.

როგორც გახსოვთ წინა სეზონი საკმაოდ ამაღელვებლად დასრულდა, ფინალი კი სწორედ მერილ სტრიპის პერსონაჟის, მერი ლუიზის შვილს ეხებოდა. სულ რამდენიმე წამიანი ტრეილერიც სწორედ სეზონის ბოლო სერიაში განვითარებულ მოვლენებთანაა დაკავშირებული, რომელსაც ახლა არ მოგიყვებით და თუკი ნანახი არ გაქვთ გირჩევთ ივნისამდე აუცილებლად უყუროთ!

სერიალის მთავარი გმირები