ჰოლივუდში ცნობილი დიდების ხეივანი უკვე მრავალი წელია არსებობს, რომელსაც ცნობილი ამერიკელი მომღერლის - ფინქის ვარსვკლავი შეემატა. ამ ღირშესანიშნავ ღონისძიებაზე ვარსკვლავს თან მეუღლე კერი ჰარტი და ორი შვილი ახლდა.
მომღერალმა ცერემონიისთვის შავი ზედა, მოსაცმელი და წითელი ყვავილით გაფორმებული ქვედაბოლო შეუხამა ერთმანეთს. ამ ყველაფერს კი წითელი ტუჩსაცხი და ვარცხნილობა განსაკუთრებით მოუხდა.
ცერემონიას ფინქის მეგობრებიც დაესწრნენ, ცნობილი გადაცემის წამყვანი ელენ დეჯენერესი და ამერიკელი მსახიობი კერი კენი-სილვერი. „ძალიან გამეხარდა, როდესაც შევიტყვე, რომ ფინქზე უნდა მესაუბრა. ვარდისფერი ხომ ჩემი საყვარელი ფერია“ - გაიხუმრა ელენმა ცერემონიაზე.
„ზუსტად იმას მივაღწიე რაც ყოველთვის მინდოდა. ამის მიზეზი კი ის არის, რომ მე ვიცი ჩემი ძლიერი მხარეები. მე არც ყველაზე ლამაზი ვარ და არც საუკეთესო. უბრალოდ მე ვარ საკმარისად ნიჭიერი და ძალიან ბევრს ვმუშაობ, ამიტომაც ვაღწევ ჩემს მიზნებს და რაც ყველაზე მთავარია მე არ ვნებდები და 40 წლის ასაკში შემიძლია ვთქვა, რომ ჩემს საქმეში მაგარი ვარ.“ - განაცხადა მომღერალმა.