იორდანიის დედოფლის რანიას გარდერობი ყოველთვის გამორჩეული და დახვეწილია. ამჯერად მისი ლუქების სიაში ქართული ბრენდის Dalood -ის ტანსაცმელიც მოხვდა. დედოფალს ქართველი დიზაინერის კაბა ტუნისში, საქმიანი ვიზიტისას ეცვა.

რანიამ ქართველი დიზაინერის - მაკა კვიციანის ცისფერი კლასიკური სტილის კაბა მოიხდინა.

დიზაინერი ლონდონში, კოლეჯ Central Saint Martins-ში სწავლობდა, შემდეგ კი მოსკოვში ქართველი დიზაინერების ბუტიკი გახსნა. უკვე მოგვიანებით კი Dalood-იც შექმნა.

დიზაინერი მაკა კვიციანი

ბრენდი თბილისის მოდის კვირეულში ყოველ წელს იღებს მონაწილეობას და საქართველოში დიდი პოპულარობით სარგებლობს.

გაეცანით მაკა კვიციანის გასული წლის ინტერვიუს ჟურნალ OK!-სთან და შეიტყვეთ მეტი დეტალი ბრენდსა და დიზაინერზე .