თბილისში რიგით 22-ე ჯაზფესტივალი გაიმართება, როლის სტუმარიც ამჯერად უნიკალური ამერიკელი ჯაზ-გიტარისტი პეტ მეთინი იქნება. ის მუსიკალური სამყაროს ერთ-ერთი ყველაზე გამორჩეული მუსიკოსია, რომელიც 20 გრემის ჯილდოს მფლობელია.
საქართველო კულტურის სამინისტრო ცნობილ მუსიკოსს 28 თებერვლიდან 2 მარტის ჩათვლით უმასპინძლებს. პეტ მეთინი საქართველოში კონცერტამდე 5 დღით ადრე ჩამოვა და Tbilisi Big Band-თან ერთად მოემზადება პერფორმანსისთვის.
ფესტივალის გახსნაზე, რომელიც 28 თებერვალს შედგება, Tbilisi Big Band & New Jazz Generation წარდგება. გახსნის ცერემონიაზე დასწრებას საკმაოდ ხელმისაწვდომ ფასად შეძლებთ. ბილეთების ფასი 5 ლარიდან დაიწყება.
პირველ მარტს, კი ივენ ჰოლში თვით პიტ მეთენისა და მისი ტრიოს კონცერტი გაიმართება. გიტარისტთან ერთად მუსიკოსები დერეკ ოლეჟკიევიჩი და ჯონათან ბარბერიც წარდგებიან.
ფესტივალი 2 მარტს, თბილისის საკონცერტო დარბაზში დაიხურება. ამჯერად კი, პეტ მეთინის თბილისის სიმფონიური ორკესტრი შეუერთდება.
1 და 2 მარტს გამართული კონცერტების ფასი 50 ლარიდან დაიწყება, ხოლო თიბისი სტატუსის მომხმარებლები 20%-იანი ფასდაკლებით სარგებლობას შეძლებენ.
შეგახსენებთ, რომ მუსიკოსის ერთ-ერთი ყველაზე ცნობილი ალბომია Beyond the Missouri Sky (Short Stories). ქართველი საზოგადოების წინაშე ის სწორედ ამ ალბომით წარდგება.
ფესტივალის მხარდამჭერი, როგორც ყოველთვის საქართველოს განათლების სამინისტრო და კომპანია Eastern Promotion იქნება.