25 თებერვალი სულ უფრო და უფრო გვიახლოვდება, ამასთან ერთად კი ცერემონიასთან დაკავშირებულ დეტალებსაც ნელ-ნელა ეხდება ფარდა. ყველას ძალიან აინტერესებს იმ ვარსკვლავების სია, რომლებიც შეასრულებენ ოსკარზე ნომინირებულ სიმღერებს. თუმცაღა სანამ მომღერლებზე გადავიდოდეთ, შეგახსენებთ ოსკარზე წარდგენილი სიმღერების სიას.
- “All The Stars” ფილმიდან “Black Panther”
- “I’ll Fight” ფილმიდან “RBG”
- “Shallow” ფილმიდან “A Star is Born”
- "When a Cowboy Trades His Spurs for Wings" ფილმიდან “The Ballad of Buster Scruggs”
- “The Place Where Lost Things Go” ფილმიდან “Mary Poppins Returns”
ვინ შეასრულებს სიმღერას “All The Stars” ფილმიდან “Black Panther” ჯერჯერობით დაზუსტებით ცნობილი არ არის, თუმცა ფილმში მას ცნობილი რეპერი კენდრიკ ლამარი და მომღერალი SZA ასრულებენ, შესაბამისად დიდი ალბათობით ისინი წარადგენენ სიმღერას ცერემონიაზეც.
სიმღერას "I'll Fight", 79-ე ოსკარის გამარჯვებული - ჯენიფერ ჰადსონი შეასრულებს . მომღერალმა 2006 წელს მოიგო ოსკარი ფილმისთვის “Dream Girls”.
მიუხედავად იმისა, რომ ფილმი სულ რამდენიმე თვის წინ გამოვიდა, სიმღერაც და მისი შემსრულებელი დუეტიც ძალიან დიდი პოპულარობით სარგებლობს. ყველასათვის საყვარელ სიმღერას - “Shallow” ლეიდი გაგა და ბრედლი კუპერი შეასრულებენ.
სიმღერას "When a Cowboy Trades His Spurs for Wings" ფილმიდან “The Ballad of Buster Scruggs” გილიან უელჩი და დეივიდ როულინგსი იმღერებენ.
“Mary Poppins Returns”-ის ეკრანებზე გამოსვლამდე ემილი ბლანტის შესახებ მხოლოდ ის ვიცოდით, რომ ის არაჩვეულებრივი მსახიობია. თუმცაღა, როგორც გამოიკვეთა ის მრავალმხირვ ნიჭიერია და ფილმშიც თვითონვე მღერის. სწორედ ამიტომ ოსკარების დაჯილდოებაზეც ის წარადგენს სიმღერას “The Place Where Lost Things Go”.
