2018 წლის დამოუკიდებლობის 100 წლის იუბილეს — 26 მაისს კომპანია „ჯიდი ალკო“ განსაკუთრებულად აღნიშნავს: ამ თარიღთან დაკავშირებით ცნობილი ერთალაოიანი ვისკი Glenfiddich-ი 26-წლიანი დაძველების კასრიდან საკოლექციოდ ჩამოისხა, და ქართული დროშის ფერებით იქნება გაფორებული. შოტლანდიური ვისკის ისტორიაში პირველად დაუშვეს პრეცედენტი, ეტიკეტის ფერები ქვეყნის დროშისთვის შეეხამებინათ.
მათ შორის 20 ბოთლი კი სახელობითია და იმ განსაკუთრებულ ქართველებს გადაეცემათ, რომელთაც ქვეყნის განვითარებასა და მის საერთაშორისო პოპულარიზაციაში დამსახურება მიუძღვით. სახელობითი ვისკი, საქართველოს დამოუკიდებლობის აღსანიშნავად გადაეცემათ :
აკა მორჩილაძე
ნინო ანანიაშვილი
მარიკა ლორთქიფანიძის ოჯახი
გურამ დოჩანაშვილი
ნონა გაფრინდაშვილი
ზაზა ფაჩულია
დეივიდ კომა
გიორგი კეკელიძე
ნანა ექვთიმიშვილი
გელა ჩარკვიანი
ელისო ბოლქვაძე
რუსუდან ფეტვიაშვილი
გიორგი კალანდია
მეუფე ისაია
სულიკო ქადაგიძე
ზაალ კოკაია
ქეთი მელუა
სუხიშვილები
საზეიმო დაჯილდოება საპარლამენტო ბიბლიოთეკის ძირითად დარბაზში, 24 მაისს, 20.00 ზე გაიმართება.
„როდესაც პარტნიორებთან ერთად დამოუკიდებლობის 100 წლის იუბილეს შესახებ მსჯელობა დავიწყე, თავიდანვე გააზრებული მქონდა, რომ რაღაც განსაკუთრებული უნდა შეგვექმნა. საბოლოოდ ისეთ ჩამოსხმაზე შევჯერდით, რომელიც გარკვეული ისტორიის მატარებელი და ემოციური ელემენტის შემცველი იქნებოდა და საჩუქრადაც გამოდგებოდა. ამ კონცეფციის გათვალისწინებით, ისეთი პროდუქტი უნდა შეგვერჩია, რომელსაც წლოვანება აქვს. შესაბამისად, ჩვენს იდეას ვისკი ყველაზე ლოგიკურად მიესადაგა — ვისკიც ხომ გარკვეულწილად ეპოქას ასახავს — ინახება კასრში, ძველდება, „ბრძენდება“ და განსაკუთრებული ხდება.
დღეს საქართველოში ბევრი სტუმარი ჩამოდის და გვსურს, მათ ისეთი რამე ვაჩუქოთ, რითაც ქვეყანას დავამახსოვრებთ. მაღალი რანგის ვისკი Glenfiddich-ი კი მთელ მსოფლიოში ცნობილი ბრენდია: როდესაც ადამიანი 26-წლიანი დაძველების, საქართველოს დამოუკიდებლობისადმი მიძღვნილი კონცეფციით შექმნილ ჩამოსხმას მიიღებს საჩუქრად, ერთი სული ექნება, დააგემოვნოს. დამერწმუნეთ, ამ დროს მათ ცნობიერებაში საქართველოს შესახებ განცდილი ემოცია უფრო ღრმად ჩაიბეჭდება. „ განაცხადა “ჯი დი ალკოს „ დამფუძნებელმა,გოჩა დარჩიაშვილმა.
