„თუ გსურს ქალების ყურადღება მიიპყო, უნდა დააიგნირო ისინი“ - არსებობს ასეთი მოსაზრება და ალბათ ბევრი ქალიც დაეთანხმება მას. ქალების დიდ ნაწილს უყვარს მამაკაცები, რომელთა ყურადღების მისაპყრობად ბევრი ენერგიის დახარჯვა უწევს და შეუძლია ცალმხრივი სიყვარულის ერთგულიც კი იყოს დიდი ხნის განმავლობაში. მამაკაცები კი ცდილობენ ითამაშონ მექალთანის როლი, რომელსაც შეუძლია სიყვარულის გარეშე ცხოვრება. თუმცა ხშირად ეს მხოლოდ თამაშია და ხანდახან მამაკაცებს უფრო მეტად სჭირდებათ ქალის სიყვარული ვიდრე ქალებს მათი.
1. Spread
ამ ფილმში მთავარ როლს ჰოლივუდის ვარსკვლავი ეშტონ კაჩერი თამაშობს, რომელიც ვიზუალური მონაცმებით და შესრულების სტილით იდეალურად ერგება როლს. ქარიზმატული ნიკი მრავალი წლის განმავლობაში სარგებლობდა საყვარლების მდიდრული აპარტამენტებით და ხარჯავდა მათ ფულს. ეს ყველაფერი კი მანამდე გრძელდებოდა, სანამ შემთხვევითი ნაცნობი ჰივერი არ შეუყვარდება.
2. Love & Other Drugs
რა მოხდება მაში, თუ მომხიბლელი, სექსუალური და წარმატებულ მამაკაცს ერთი გოგო შეუყვარდება? გოგო რომელსაც მამაკაცის მსგავსად თავისუფლება უყვარს და არავის და არაფერს აძლევს უფლებას დაიმორჩილოს. მაგრამ ერთ მშვენიერ დღეს ისინი აღმოაჩენენ, რომ ერთმანეთის გარეშე არ შეუძლიათ ყოფნა.
3. Gainsbourg: A Heroic Life
ძალიან ლამაზი და არასტანდარტული ფილმი, რომელსაც ფრანგული კინოს ეშხი სდევს თან. რომანისტი, მხატვარი, მსახიობი და რეჟისორი... რთული სათქმელია, რომელი სია იქნება უფრო დიდი: სერჟ გეინსბურგის პროფესიების ჩამონათვალი, თუ მისით მოხიბლული ქალების რაოდენობა. გმირის პერსონაჟი მაქსიმალურად მიმსგავსებულია რეალურთან.
4. How To Seduce Difficult Women
ეს ფილმი არის უფრო სიყვარულის ინსტრუქცია, ვიდრე ისტორია. ფილმი გაჯერებულია მხიარული პერსონაჟებით, რომელიც არ მოგცემთ მწყენის საშუალებას. ამერიკის ყველაზე მორცხვი კაცები ქალების ფრანგი „სპეციალისტის“ მასტერკლასებზე შეიკრიბნენ. თავად მასწავლებელი დაქორწინებულია და შვილიც ჰყავს.
5. Prince (Almost) Charming
ფილმების იმის შესახებ, თუ როგორ ხიბლავს ახალგაზრდა ლამაზმანი სიმპატიურ და წარმატებულ მამაკაცს, არც თუ ისე ცოტაა. თუმცა ეს ისტორია სხვებისგან თავისი განსაკუთრებული დეტალებით განსხვავდება. ფრანგი მეოცნებე ქალი ხვდება მამაკაცს, რომელიც დიდი ხნის წინ გაშორდა ცოლს და მისი ცხოვრება მხოლოდ სამსახურისგან და გართობისგან შედგება. შვილის ქორწილიდან ის მანქანით ბრუნდება, როდესაც დაინახავს წვიმაში მდგომ გოგონას - მარის და დაიმგზავრებს მას.
6. Cavemen
უდარდელმა დინმა გადაწყვიტა საკუთარი ცხოვრება რადიკალურად შეეცვალა, გაუთავებელი წვეულებებისთვის და შემთხვევითი ურთიერთობებისთვის ბოლო მოეღო, აესრულებინა ბავშვობის ოცნება და გამხდარიყო მწერალი. თუმცა ამის საშუალებას მას არ აძლევენ საკუთარი მეგობრები. შემდეგ მოისურვა ეპოვნა ნამდვილი სიყვარული, სადაც ასევე უამრავი პრობლემა შეექმნა.
7. Casanova
ახალგაზრდა მომხიბლელი მამაკაცი, რომლის როლსაც ჰიტ ლეჯერი ასრულებს შეუყვარდება ვენეციელი ლამაზმანი, რის შემდეგაც იწყება ძალიან საინტერესო ისტორიები - როგორ შეძლებს კაზანოვა გოგონას გულის მოგებას.
8. Don Jon
მიუხედავად ლიტერატურული დასახელებისა ფილმი თანამედროვეა. მსახიობი ჯოზეფ გორდონ-ლევიტი ამ ფილმში პირველად გახდა რეჟისორი და სცენარისტი. მისი გმირის ჯონ მარტელოს ცხოვრება დღეების მიხედვითაა გაწერილი - კვირაში ერთხელ კათოლიკური მესა, დანარჩენი დრო სპორტი, ოჯახი, მეგობრები, მანქანები და პორნოგრაფია. ყველაფეერი იცვლება, როდესაც „ის ერთადერთი“ ჩნდება - ბარბარა, რომლის როლსაც სკარლეტ იოჰანსონი ასრულებს.
9. Conversations with Other Women
ახალგაზრდა ქალი და მამაკაცი ერთმანეთს ქორწილში გაიცნობენ, ერთი ღამის ურთიერთობის შემდეგ დილას ისინი ყველაფერს ნანობენ. ფილმს TOKYO INTERNATIONAL FILM FESTIVAL 2005-ის ფესტივალზე ორი პრიზი აქვს მოგებული.