იმის სურვილი, რომ საწინააღმდეგო სქესის წარმომადგენლებს მოვწონდეთ ძალიან ნორმალურია, მაგრამ საინტერესოა რა მოსწონთ მამაკაცებს ქალებში. ლოგიკურია, რომ ყველა მამაკაცს ქალებთან მიმართებაში საერთო ინტერესები არ აქვს, თუმცა არსებობს კონკრეტული დეტალები, რომელიც მათ უმრავლესობას ხიბლავს, ასე, რომ რაც უფრო მეტი მამაკაცის მოხიბვლას მოახერხებთ, მით უფრო გაფართოვდება თქვენი არჩევანის არეალი. გთავაზობთ იმ თვისებებს, რომლითაც მამაკაცები ყველაზე ხშირად იხიბლებიან.
1. სიკეთე
მამაკაცები ყოველთვის ამჩნევენ, როდესაც ქალები კეთილ საქმეებს აკეთებენ, განსაკუთრებით მაშინ, როცა ქალს სერიოზული ურთიერთობებისთვის განიხილავენ. ტყუილი არ არის, როდესაც ამბობენ, რომ სიკეთე უკან გვიბრუნდება და როგორც აღმოჩნდა ეს მამაკაცების ყურადღებასაც იპყრობს.
2. სტრესული სიტუაციიდან თავის დაძვრენის უნარი
წლიდან წლამდე მამაკაცები იმეორებენ, რომ ისინი ქალის გარეგნობასთან ერთად მის საქციელებსაც დიდ მნიშვნელობას ანიჭებენ. აღმოჩნდა, ისინი ყურადღებას ამახვილებენ ისეთ ქალებზე, რომელთაც რთული სიტუაციიდან თავის დაძვრენა მარტივად შეუძლიათ. მათთვის ძალიან დასაფასებელია, როდესაც ქალს შეუძლია გაბრაზების ნაცვლად უცებ მიხვდეს როგორ უნდა მოიქცეს კონკრეტულ მომენტში.
3. ემოციური მდგომარეობა
მამაკაცების აზრით ქალი ყველაზე არასასურველია, როდესაც ცხოვრებაზე ნეგატიური შეხედულებები აქვს. მამაკაცები ყოველთვის ამჩნევენ ქალის ცხოვრებაში როდის დგება ცუდი პერიოდი და აფასებენ ქალებს, ვისაც შეუძლია ამ სიტუაციაში პოზიტივის პოვნა და საკუთარი თავის მდგომარეობიდან გამოყვანა. კაცებს უყვართ მხიარული ქალები, თუმცა თუ მხოლოდ მამაკაცის დასანახად ეცდებით იყოთ მხიარული ის ამას შეამჩნევს და კიდევ უფრო მეტად დაამძიმებს. ამიტომ ეცადეთ პრობლემებს მარტივად შეხედოთ და პირველ რიგში საკუთარი თავი გაიბედნიეროთ.
4. ფინანსური მდგომარეობა
ქალებს სურდათ თანასწორობა და მათ ეს მიიღეს, ამიტომ ახლა არა მხოლოდ ქალები ინტერესდებიან მამაკაცების ფინანსური მდგომარეობით, არამედ პირიქითაც. დარწმუნებულები იყავით, რომ ისინი მხოლოდ ინტერესის გულისთვის არ ინტერესდებიან თქვენი საფულით, მათ ეს ყველაფერი სერიოზული ურთიერთობის დაწყებისას აინტერესებთ. თუ თქვენ მასზე მეტის გამომუშავებას ახერხებთ, მას დასჭირდება გარკვეული პერიოდი იმის გასააზრებლად მზად არის თუ არა ამისთვის, თუ ნაკლებს - დაინტერესდება რამდენად ამბიციური ხართ.
5. თავდაჯერებულობა
მამაკაცებს უყვართ, როცა ქალებს კომპლიმენტებით ამკობენ, და ვერ იტანენ იმ ქალების დარწმუნებაში დროის კარგვას, რომელთაც საკუთარი თავი გარეგნულად არ მოსწონთ. არ არსებობს მამაკაცისთვის იმაზე არამიმზიდველი ქალი, რომელსაც მუდამ ეჭვი ეპარება საკუთარ გარეგნობაში.
6. სხვა ქალებთან დამოკიდებულება
თუ თქვენ სხვა ქალებს მუდამ უარყოფითად აფასებთ, იწუნებთ ყველას გარეგნობასა და ხასიათს მამაკაცები ამ ყველაფერს კარგად ამჩნევენ და არც თუ ისე იხიბლებიან - ეს ყველაფერი ხომ თქვენი პირადი კომპლექსებიდან მომდინარეობს, შურიანი და ბოროტი ქალები კი არავის არ უყვარს.
7. სტილი
შესაძლოა მამაკაცები ქალებთან შედარებით ნაკლებად ერკვევიან მოდის უახლეს ტენდენციებში, მაგრამ ეს არ ნიშნავს, რომ მათთვის სულერთია თუ რა აცვია ქალს. თქვენი სტილი შესაძლოა მამაკაცისთვის გადამწყვეტიც კი აღმოჩნდეს ურთიერთობის დასაწყის ეტაპზე, რადგან ყველა მამაკაცს აქვს თავისი შეხედულებები როგორ უნდა გამოიყურებოდეს მის გვერდში მყოფი ქალბატონი.
8. მეგობრების რაოდენობა
მამაკაცებისთვის ძალიან მნიშვნელოვანია ის ქალების მეგობრების წრე, ვისთან ერთადაც მათ ბევრი პრობლემა გადალახეს. მათ აშინებთ ქალები, რომელთაც მეგობრები არ ჰყავთ.
9. იუმორის გრძნობა
იდეალური ქალის აღწერისას მამაკაცები ხშირად ამბობენ, რომ მათთვის ძალიან მნიშვნელოვანია, იუმორის კარგი გრძნობა. თავად წარმოიდგინეთ, მამაკაცი, რომელსაც თქვენს ხუმრობებზე არ ეცინება ან არ შეუძლია თქვენი გამხიარულება, ასეთ ადამიანთან ხომ მუდამ დაძაბული იქნებით. მსგავსად ფიქრობენ კაცებიც.
10. მისწრაფებები
ჩვენ ძალიან რითმულ და ინფორმაციებით დატვირთულ სამყაროში ვცხოვრობთ. მამაკაცები თვითშეფასების ასამაღლებალად მუდამ ცდილობენ სხვადასხვა ინფორმაციის მიღებას და განვითარებას, წარმატებულ კაცს კი წარმატებული ქალი სჭირდება გვერდით. თუ თქვენ საკუთარი მიზნების მისაღწევად არ იბრძვით, უინტერესო ხდება თქვენი ცხოვრებაც და მამაკაცებიც ნაკლებად დაინტერესდებიან თქვენით.