21 წლის ქართველი მომღერალი ნათია თოდუა გერმანული მეგაშოუს The Voice of Germany-ის გამარჯვებული გახდა. ნათიას სპონტანური გადაწყვეტილები უდიდესი წარმატებით დაგვირგვინდა - მან ფინალში 50,10 %-ით გაიმარჯვა, მეორე ადგილზე გასულმა კონკურსანტმა კი საერთო ხმების 25,45%-ის მოპოვება შეძლო. ქართველმა მომღერალმა ფინალში 4 სიმღერა შეასრულა, მათ შორის ერთ-ერთი საკუთარ მენტორთან, ფინური როკ-ბენდის დამაარსებელთან და ვოკალისტთან სამუ ჰაბერთან ერთად.
ნათია თოდუა 16 თვეა, რაც გერმანიაში ცხოვრობს, პროექტში მონაწილეობის მიღება სპონტანურად გადაწყვიტა და 26000 კონკურსანტს შორის გამარჯვების მოპოვებაც შეძლო.
The Voice of Germany-ის ფინალურ შოუზე ედ შირანი მუსიკალური ნომრით წარსდგა.