ერთი თვის წინ ჯორჯინა როდრიგესსა და კრიშტიანუ რონალდუს გოგონა ალანა მარტინა შეეძინათ. ცოტა ხნის წინ კი ფეხბურთელის საცოლემ რონალდუსთან ურთიერთობის დეტალებსა და დედობის პირველ კვირებზე ისაუბრა.„შვილის გაჩენამ ნამდვილად დაგვაახლოვა მე და რონალდუ. ასეთი ბედნიერები არასდროს არ ვოფილვართ“ - გამოტყდა ჯორჯინა.
ალანა მარტინასთან ერთად, როდრიგესი ტყუპებს ევას და მატეოს და 7 წლის კრიშტიანუ უმცროსს ზრდის - ბავშვები რონალდუს სუროგატი დედისგან ჰყავს. „ბავშვები ჩვენი ბედნიერებაა. გაღვიძებისთანავე მივდივართ ბავშვებთან ჩასახუტებლად და საკოცნელად. შემდეგ ვუყურებთ როგორ საუზმობენ ისინი და ვცდილობთ დავრწმუნდეთ, რომ მათ ყველაფერი აქვთ, რაც სჭირდებათ. ეს განსაკუთრებული დროა ჩვენთვის“ - ჰყვება ფეხბურთელის როდრიგესი.
„როდესაც მე და ალანა სამშობიარო სახლიდან დავბრუნდით, კრიშტიანუმ სიურპრიზი მოგვიწყო - სადილი ყველა ჩვენთვის ახლობელ ადამიანთან ერთად. მე თავს მსოფლიოში ყველაზე ბედნიერ ქალად ვგრძნობდი. მე ვიპოვე ჩემი სიყვარული. ჩვენ ძალიან ვავსებთ ერთმანეთს, გვაქვს ლამაზი ურთიერთობა, როდესაც ის ჩემთან ერთადაა ვგრძნობ უდიდეს ზრუნვას და სიყვარულს“ - დაამატა ჯორჯინამ
შეგახსენებთ, რომ რონალდუ და ჯორჯინა გასული წლის ბოლოდან არიან ერთად. ცოტა ხნის წინ ცნობლი გახდა, რომ ფეხბურთელი და მოდელი დაქორწინებას გეგმავენ. ქორწილი 2018 წლის ზაფხულში შედგება.
