გასულ წელს ბიონსემ 13 მუსიკალური კომპოზიციიდან შემდგარი ალბომი გამოუშვა, სადაც მომღერალი ჯეი ზის ღალატსა და მათ ქორწინებაში არსებულ სხვა სირთულეებზე მღეროდა. წელს მსგავსი ალბომი ჯეი ზიმაც წარმოადგინა სახელწოდებით „4:44“, რომელიც ერთგვარი პასუხია ბიონსეს ალბომის შემდეგ მისი მისამართით აგორებულ ბრალდებებზე. ახლა, როცა ცუდმა პერიოდმა ჩაიარა, ჯეი ზიმ გადაწყვიტა გაეხსენებინა, თუ როგორ გადალახეს ქორწინებაში წარმოქმნილი პრობლემები.
„ჩვენი ხელოვნება გამოვიყენეთ როგორც ფსიქოთერაპიის სეანსი და ერთად დავიწყეთ მუსიკის წერა. ჩვენ ქარიშხლის ეპიცენტრში აღმოვჩდით, სადაც ძალიან კარგად გრძნობ ტკივილს. ეს ყველაფერი დისკომფორტთან იყო დაკავშირებული, თუმცა ჩვენ განვიხილეთ პრობლემები. ადამიანთა უმეტესობა ასეთ დროს ერთმანეთს შორდება, რადგან არ აქვთ უნარი დაინახონ საკუთარი თავი სხვისი თვალით. ყველაზე რთული კი იმის გააზრება, რომ შენ ტკენ ადამიანს.“ - რეპერმა გულწრფელი ინტერვიუ მისცა New York Times.
შეგახსენებთ, ბიონსე და ჯეი ზი ივნისში კვლავ მშობლები გახდნენ - მათ ტყუპები შეეძინათ. მომღერალმა ლოს-ანჯელესის ერთ-ერთ ყველაზე ელიტარულ სამშობიაროში იმშობიარა.