ცნობილი ქართველი პიანისტის ხატია ბუნიათიშვილის და ჰოლივუდის ვარსკვლავის ორლანდო ბლუმის საერთო სურათები პირველად ზაფხულში გავრცელდა, როდესაც ისინი ერთად სეირნობისას დააფიქსირეს. ამ ფოტოებმა დიდი ხმაური გამოიწვია - ქართული და უცხოური გამოცემები პიანისტისა და მსახიობის რომანზე ალაპარაკდნენ, თუმცა ეს სკანდალი მალევე მიწყნარდა, რადგან ამ დრომდე მათი კონტაქტის შესახებ ინფორმაცია არ გავრცელებულა. ახლა კი ხატია ბუნიათიშვილმა საკუთარ ინსტაგრამის გვერდზე გამოაქვეყნა ვიდეო წარწერით: "ნიჭიერი ორლი, დაბადებულია მუსიკის ბუნებრივი შეგრძნებით...", სადაც ორლანდო ბლუმიც მონიშნა. ვიდეოში ქართველი პიანისტი და ჰოლივუდის ვარსკვლავი ერთად უკრავენ როიალზე.