გვინეტ პელტროუ და კრის მარტინი იმ მცირერიცხოვან ჰოლივუდურ წყვილს შორის არიან, ვინც დაშორების შემდეგაც ახერხებს მეგობრული ურთიერთობის შენარჩუნებას. წყვილი 2014 წელს დაშორდა ერთმანეთს, თუმცა ახლაც აგრძელებენ რეგულარულ შეხვედრებს.

გასულ შაბათ-კვირას კი მსახიობის ყოფილი მეუღლე კრის მარტინი და ამჟამინდელი შეყვარებული ბრედ ფალჩუკი ერთმანეთს შეხვდნენ. როგორც მათთან დაახლოებული პირები იუწყებიან, ბრედმა გვინეტს ცოტა ხნის წინ ხელიც სთხოვა. შეყვარებულები ერთმანეთს ბოლო სამი წლის განმავლობაში ხვდებოდნენ და საბოლოოდ ურთიერთობის დამაგვირგვინებელი გადაწყვეტილებაც მიიღეს. მოახლოებულ ქორწილთან დაკავშირებით პელტროუმ კრისი და ბრედი გააცნო ერთმანეთს და ამ შეხვედრის ამსახველი ფოტო საკუთარ Instagram-ის გვერდზე განათავსა წარწერით: „თანამედროვე ოჯახი“.

შეგახსენებთ, რომ განქორწინების შემდეგ აქტიურ პირად ცხოვრებას არა მხოლოდ მსახიობი, არამედ ჯგუფი Coldplay-ის სოლისტიც აგრძელებს. კრის მარტინი ჯენიფერ ლოურენსთან და რიტა ორასთან მოკლევადიანი რომანების შემდეგ მუსიკოსი „გრეის ორმოცდაათი ელფერის“ მსახიობს დაკოტა ჯონსონს ხვდება. ბოლო დროს წყვილი ხშირად ჩნდება ერთად, თუმცა კომენტარს ურთიერთობის შესახებ არ აკეთებენ.

დაკოტა ჯონსონი და კრის მარტინი ისრაელში