გასულ კვირას ცნობილი გახდა, რომ მირანდა კერი და მისი მეუღლე ევან შპიგელი ბავშვს ელოდებიან. გუშინ კი ცნობილმა მოდელმა ტაბლოიდებს ბავშვის სქესი გაუმხილა - მისი თქმით ოჯახის ახალი წევრი გოგო იქნება და მის დაბადებას 2018 წლის მაისის დასაწყისში ელოდებიან.
მირანდა კერისთან დაახლოებულმა პირებმა განაცხადეს, რომ სუპერმოდელი ძალიან ბედნიერია შვილის სქესის გაგებით, რადგან მას ორლანდო ბლუმთან ჰყავს ექვსი წლის ბიჭი ფლინი, რომელიც დაზე ოცნებობს. მირანდა კერის მეუღლის განცხადებით მისთვის არ აქვს მნიშვნელობა ბავშვის სქესს, რადგან ის ბედნიერია იმითაც, რომ პირველი შვილის მამა გახდება.
შეგახსენებთ, 2017 წლის მაისში მირანდა კერი ყველაზე ახალგაზრდა მილიარდერზე, Snapchat-ის დაამრსებელზე, ევან შპიგელზე დაქორწინდა. წყვილი ბოლო დღემდე ასაიდუმლოებდა ქორწილს. ქორწილის შემდეგ კი გაირკვა, რომ ცერემონია ძალიან ვიწრო, ოჯახურ წრეში გაიმართა.