ლონდონში მუსიკალური პრემიის MTV Europe Music Awards 2017 ცერემონია გაიმართა. ჯილდოს მოსაპოვებლად ათობით ცნობილი და ახალბედა მუსიკოსი იბრძოდა. „საუკეთესო როკ ჯგუფის“ ნომინაციაში წარდგენილები იყვნენ Foo Fighters, Royal Blood, The Killers, U2 და Coldplay. საპატიო ჯილდო კი Coldplay ხვდა წილად. ჯგუფი U2 გამარჯვებული გახდა Global Icon-ის კატეგორიაში.
„საუკეთესო ალტერნატიული არტისტი“-ის ჯილდო ჯარედ ლეტოს ჯგუფმა Thirty Seconds To Mars მოიპოვა. საუკეთესო არტისტის ნომინაციაში ედ შირანი, შონ მენდესი, კენდრიკ ლამარი, არიანა გრანდე, მაილი საირუსი და ტეილორ სვიფტი იყვნენ წარდგენილები.ჯილდო შონ მედესს ხვდა წილად. მას ორი ქანდაკება გადასცეს - საუკეთესო სიმღერისთვის: There’s Nothing Holdin’ Me Back, და ყველაზე მეტი გულშემატკივრის მხარდაჭერისთვის.
ბრიტანელი მომღერალი დუა ლიპა, რომელიც მთელი ზაფხულის განმავლობაში ბრიტანულ ჩარტებში ლიდერობდა, საუკეთესო დამწყები მუსიკოსის ჯილდო ხვდა წილად. დევიდ გეტამ საკუთარი ელექტრონული პროექტით მოიპოვა გამარჯვება, ხოლო ემინემმა ჰიპ-ჰოპში მიღწეული წარმატებისთვის. საუკეთესო პოპ შემსრულებელი კამილა კაბელო გახდა, რომელიც ამ ნომინაციაში დემი ლოვატოსთან, მაილი საირუსთან, შონ მენდესთან და ტეილორ სვიფტთან ერთად იყო წარდგენილი.
დუა ლიპა, ჰარი სტაილსი, რიტა ორა, ტეილორ სვიფტი და ზეინ მალიკი ერთმანეთის კონკურენტები „საუკეთესო სტილის“ კატეგორიაში იყვნენ, კოლეგების ჩამოტოვება ზეინ მალიკმა მოახერხა, მიუხედავად იმისა, რომ ამ საღამოს რიტა ორას ვიზუალი ნამდვილად ყველასგან გამოირჩეოდა - ცერემონიაზე მომღერალი ხალათით მივიდა. საინტერესოა, რომ ტეილორ სვიფტმა, რომელიც ამ წელს წარდგენილი ნომინაციების რაოდენობით რეკორდსმენი გახდა ჯილდოს მოპოვება საერთოდ ვერ შეძლო.
ყოველწლიური პრემია MTV Europe Music Awards ტელეკომპანიამ MTV Europa დააარსა 1994 წელს. მას შემდეგ ცერემონია ყოველწლიურად ევროპის სხვადასხვა უდიდეს ქალაქში იმართება.
ვარსკვლავების ჩაცმულობა
კეშა
ჯარედ ლეტო
ნატალი ემანუელი
დემი ლოვატო
ნატალი დორმერი
მედისონ ბირი
ლანა დელ რეი
ჰეილი ბოლდუინი
შარლოტა კროსბი
სკაილერ გრეი
ლიამ პეინი
ზარა ლარსონი