საკულტო ჯგუფი Spice Girls მომავალი წლიდან სცენას უბრუნდება - ამის შესახებ ბრიტანული გამოცემა The Sun იუწყება. მელან ბრაუნი, ვიქტორია ბექჰემი, ემა ნატონი, მელანი ჩისჰოლმი და ჯერი ჰოლიუელი კვლავ გაახარებენ მსმენელს ცნობილი ჰიტებით.

ჯგუფი Spice Girls დაარსდა 1994 წელს და 2000 წლამდე ძალიან წარმატებულად მოღვაწეობდა, სწორედ ამ ჯგუფს ეკუთვნის ისეთი ცნობილი სიმღერები როგორიცაა: Wannabe, Say You’ll Be There, Viva Forever და სხვები. გოგონებს დაშლის შემდეგ რამდენჯერმე ჰქონდათ მცდელობა ჯგუფის გაერთიანების, თუმცა ვიქტორია ბექჰემი ამ იდეას არ იწონებდა. ჯგუფი უკანასკნელად ზაფხულის ოლიმპიური თამაშების დახურვაზე ლონდონში, 2012 წელს შეიკრიბა. ახლა კი პროდიუსერების ძალისხმევამ საბოლოოდ შედეგი გამოიღო: ლამაზმანებისგან შემდგარი ხუთეული მზად არის ცოტა ხნით გვერდზე გადადოს პირადი გეგმები და ახალი ალბომის გამოშვებისკენ მიმართოს მთელი ყურადღება.