ჩვენ ხშირად ვაწყდებით დაბრკლობებს და გვგონია, რომ მათ გადასალახად ძალა არ გვეყოფა, თუმცა არ უნდა დაგვავიწყდეს რომ ამ სამყაროში ყველაფერი დროებითია მათ შორის ცუდი და კარგი პერიოდებიც. კარგი იქნება თუ საკუთარ თავს შევახსენებთ ხოლმე ქვემოთ ჩამოთვლილ, ერთი შეხედვით მოძველებულ და ბანალურ, მაგრამ ძალიან სასარგებლო რჩევებს - ასე ცხოვრება უფრო მარტივი გახდება.

1. ყველაფრის კონტროლი შეუძლებელია

აუცილებელია გვახსოვდეს, რომ როგორც არ უნდა ვეცადოთ მის შეცვლას სამყარო ჩვენს გარეშე აგრძელებს არსებობას და ხშირად ყველაფერი ისე არ მიდის როგორც ჩვენ გვსურს. ხშირია შემთხვევები, როდესაც ადამიანები პანიკაში ვარდებიან, როცა ვერ აკონტროლებენ მათ გარშემო მომხდარ მოვლენებს. თუ თქვენ კარგად გაიაზრებთ, რომ პრობლემების დროს მხოლოდ ორიდან ერთი ძირითადი გადაწყვეტილების მიღება გევალებით, ცხოვრება უფრო გაგიმარტივდებათ: 1) თუ პრობლემა მოგვარებადია ნუ გაართულებთ საქმეს, მოეშვით ტირილს და მაშინვე დაიწყეთ სწორი გზების მოძიება მის მოსაგვარებლად და 2) თუ პრობლემა მოუგვარებელია, მაშინ მოგვარებადია თქვენი განწყობა ამ პრობლემის მიმართ, ამიტომ ეცადეთ შეწყვიტოთ ნერვიულობა და განაგრძოთ სხვა პრობლემების მოგვარებაზე ზრუნვა ან უბრალოდ ცხოვრებით ტკბობა.

2. ვინც არ რისკავს ის ვერ სვამს შამპანიურს

თუ თქვენი ცხოვრების მნიშვნელოვან მოვლენებს გადახედავთ, დაინახავთ, რომ სწორედ ის ნაბიჯები აღმოჩნდა ყველაზე წარმატებული, როდესაც გარისკეთ. გაიხსენეთ, როგორ ისწავლეთ ველოსიპედის ტარება, ესეც ხომ ერთგვარი რისკი იყო, რადგან იცოდით, რომ შეიძლება რაღაც დაგშავებოდათ, მაგრამ სწავლას განაგრძობდით იმიტომ, რომ გქონდათ მიზანი და მიზნის მისაღწევად შესაძლო რისკებიც კარგად გქონდათ გააზრებული. ამიტომ სანამ დანებდებოდეთ დაფიქრდით - ნებისმიერი უკანდახევა თქვენი ხასიათის სიმტკიცეს ასუსტებს - დღეს თუ ველოსიპედის ტარების სწავლის შეგეშინდათ, ხვალ კი თხილამურებზე დგომის, ზეგ ცურვას არავინ შემოგთავაზებთ.

3. პირველი ნაბიჯი ყველაზე რთულია

წარმატების მისაღწევად ყველაზე მთავარი შიშის გადალახვაა, შიშს კი ერთი უცნაურობა ახასიათებს - თუ ერთხელ გარისკავთ და გადალახავთ ამ შეგრძნებას, ის თვითონ დანებდებდა და მოერედ მსგავს სიტუაციაში აღმოჩენის შემთხვევაში შიში უბრალოდ აღარ იარსებებს. გაიხსენეთ სკოლაში თემის წერისას ყველაზე რთული სწორედ დაწყება იყო და პირველი წინადადების შემდეგ აზრები თავისით ლაგდებოდა თქვენს გონებაში - ცხოვრებაშიც ასე ხდება პირველი ნაბიჯის შემდეგ თავად განახებთ ცხოვრება თუ როგორ უნდა მოიქცეთ შემდგომ.

4. ცხოვრება უსამართლოა

თქვენ უნდა შეეგუოთ იმ აზრს, რომ ცხოვრება უსამართლოა და გამუდმებით ამ თემის გარშემო ტრიალი და წუწუნი კიდევ უფრო უსამართლოდ აქცევს მას. რაც უფრო ადრე გაიაზრებთ ამ ფაქტს, მით უფრო მალე გაიმარტივებთ ცხოვრებას.

5. კარგი მოვლენები სწრაფად არ ხდება

კარგად ცხოვრებას დამსახურება სჭირდება. კარგი მოვლენები თავისით არ ხდება, ეს უნდა დაიმსახუროთ. რა თქმა უნდა, შეიძლება ერთ დღეს ლატარეა მოიგოთ, თუმცა ამის შანსი ძალიან მცირეა, ამიტომ ნუ დაელოდებით ბედის შემობრუნებას, იბრძოლეთ კარგი ცხოვრებისთვის, ამ შემთხვევაში მონაპოვარსაც უფრო მეტად გაუფრთხილდებით.

6. მხარს ყოველთვის არ დაგიჭერენ

სამყარო ინდივიდებისგან შედგება და ყველა ადამიანს საკუთარი შეხედულებები აქვს ამა თუ იმ საკითხის მიმართ, ამიტომ იმის ფიქრი, რომ თქვენ გარშემო ყოველთვის გეყოლებათ ადამიანები, რომლებიც ყველა თქვენს ნაბიჯს მოიწონებენ არასწორია. თუ საკუთარ სიმართლეში დარწმუნებული ხართ და კაგრად გაქვთ გააზრებული თქვენი საქციელის პლიუსები და მინუსები, მაშინ არც არის აუცილებელი, რომ სხვებს დაუჯეროთ, რადგან საბოლოოდ საკთარ გადაწყვეტილებებზე მხოლოდ თქვენ აგებთ პასუხს.

7. მარტო ცხოვრება უფრო მარტივია

როდესაც თქვენს გარშემო არ არიან ადამიანები, რომელებიც გამუდმებით საჭიროებენ თქვენს დახმარება ცხოვრება უფრო მარტივი ხდება. დაუთმეთ საკუთარ თავს დიდი დრო, რადგან რეალურად ყველა ადამიანი მხოლოდ თავის კეთილდღეობაზე ფიქრობს და თქვენი სურვილის საწინააღმდეგოდ გადაგმული ნაბიჯები უბრალოდ დროის კარგვაა.

7. სიკვდილი ცხოვრების ნაწილია

ყველაფერს აქვს დასასრული და ჩვენც ოდესმე უნდა წავიდეთ. ადამიანები მიდიან და მათ ადგილს სხვები იკავებენ. ეს ყველაფერი ძალიან საშიშად გამოიყურება თუმცა დროთა განმავლობაში ამასთან შეგუება გვიწევს, რადგან ეს საკმაოდ კანონზომიერი მოვლენაა.

9. საკუთარ თავს თავადვე განაგებთ

ბედნიერებაში ისე არაფერი გვიშლის ხელს, როგორც საკუთარი თავი. ჩვენ გვეშინია რაღაცების და სწორედ ეს გვიშლის ხელს წარმატების მიღწევაში. გახსოვდეთ ერთადერთი რამ, რისი კონტროლიც შესაძლებელია ამ სამყაროში მხოლოდ საკუთარი თავია.

10. კარგ ადამიანებსაც შეიძლება ცუდი რამ დაემართოთ

ის მოსაზრება, რომ ჩვენი სიკეთით ჩვენსავე კეთილდღეობას ვიქმნით არაასწორია, რადგან კეთილდღეობისთვის მხოლოდ სწორი ნაბიჯების გადადგმაა საჭირო. ამიტომ წუწუნი იმაზე, რომ ცუდი არაფერი გაგიკეთებიათ და რატომ დაგსაჯათ ცხოვრებამ ასე, უბრალოდ ამძიმებს პრობლემის გააზრებას. ნუ დაუსვამთ ცხოვრებას კითხვას - რატომ? ის ამაზე პასუხს ვერ გაგცემთ. დაუსვით ეს შეკითხვა სკაუთარ თავს, შეიძლება პასუხი იმაზე მარტივი აღმოჩნდეს ვიდრე თქვენ გგონიათ. თუ პასუხს ვერ იპოვით გაიხენეთ პირველი პუნქტი და განაგრძეთ ცხოვრება.