4 ნოემბერს კანში NRJ MUSIC AWARDS-ის რიგით მე-19 დაჯილდოების ცერემონიალი გაიმართა. მსოფლიო მუსიკის ვარსკვლავებს, ტრადიციულად, კანის ფესტივალების სასახლემ უმასპინძლა. წითელი ხალიჩა, ლიმუზინები, ფოტოგრაფები და, რა თქმა უნდა, უამრავი გულშემატკივარი საკუთარი კუმირის მოლოდინში. წელს საქართველო პირველად მოხვდა დაჯილდოვებაზე. რადიო ენერჯის, როგორც NRJ Group-ის ყველაზე ახალ წევრს - საშუალება ჰქონდა თავისი თვალით ენახა შოუს სამზადისი, დასწრებოდა სპეციალურ რადიო შოუს, რომელსაც, რადიო ენერჯის პორტატულ სტუდიაში, NRJ France-ის დილის შოუს ყველაზე პოპულარული წამყვანი MANU უძღვებოდა.
ეს შანსი ხელიდან არ გაუშვია რადიო ენერჯი საქართველოს გენერალურ პროდუსერს გვანცა კილასონიას, რომელმაც პირადად გაიცნო MANU და მასთან გადაცემაში სტუმრად მყოფი ფრანგი ვარსკვლავი Soprano, რომელიც NRJ MUSIC AWARDS-ის გამარჯვებული გახდა.
წითელ ხალიჩაზე წელს მთელი მსოფლიოდან შეკრებილ მელომანებთან, ვარსკვალებთან და NRJ Group-ის წარმომადგენლებთან ერთად, ქართველებმაც გაიარეს, რომელთა შორის, რადიო ენერჯის მიერ გამოვლენილი გამარჯვებული მსმენელები – გვანცა გუშარაშვილი და ნიტა დანელიაც იყვნენ, რომლებიც ავიაკომპანია „ატლასგლობალის“ დახმარებით მოხვდნენ საფესტივალო ქალაქში.
„განსაკუთრებული ემოციებით ვარ სავსე, ყველაფერი რაც ადრე მხოლოდ ვებით ან ტელევიზიით მქონდა ნანახი, საკუთარი თვალით ვიხილე. თავს მეც ნამდვილ ვარსკვლავად ვგრძნობდი ბრწყინვალე შოუ დაგვხდა უკვე სასახლეში, ყველაფერი იდეალურად იყო ორგანიზებული, შოუს მთელი ქვეყნის მაშტაბით ექსკლუზიურად ფრანგული ტელეარხი TFI 1 გადასცემდა პირდაპირ ეთერში. როგორც იცით www.radionrj.ge-ზე მელომანებს საშუალება ჰქონდათ, ხმა მიეცათ თავიანთი რჩეულებისთვის 11 ნომინაციაში. მიხარია, რომ უმრავლეს ნომინაციებში - ჩვენი მსმენელის და ევროპელი მელომანების ხმები დაემთხვა. განსაკუთრებული იყო სცენაზე ფრანგი დიზაინერის ჟან პოლ გოტიეს გამოჩენა, რომელმაც ქართველების ფავორიტი - ედ შირანი გამოაცხადა და მას მთავარი ჯილდო, ნომინაციაში წლის საერთაშორისო არტისტი გამარჯვებისთვის, გადასცა. გამახარა ასეთმა დამთხვევამ – NRJ MUSIC AWARDS-ის კამპანიის სპონსორი საქართველოში ხომ სწორედ გოწიეს ავეჯის ბრენდი იყო.“
წინ NRJ DJ AWARDS გველის. უკვე მონაკოში. 8 ნოემბერს.