თუ თქვენ ახალ სამსახურს ეძებთ და თვლით, რომ არაჩვეულებრივი სივით გამოირჩევით და გასაუბრებისთვისაც კარგად ხართ მომზადებული შეიძლება ეს საკმარისი არ აღმოჩნდეს. არსებობს გარკვეული შეცდომები, რომელსაც ადამიანიები გასაუბრებებზე ყველაზე ხშირად უშვებენ და ამ შეცდომების დაშვების შემთხვევაში ვერავითარი სივი და შეხვედრისთვის კარგი მომზადება ვერ დაგეხმარებათ.

1. თქვენ არ ასახელებთ თანამდებობას, რომლის დაკავებაც გსურთ

იმ შემთხვევაშიც კი თუ თქვენ მთელი ცხოვრება ერთსა და იმავე თანამდებობაზე მუშაობდით ეს არ ნიშნავს, რომ დამსაქმებელი ვალდებულია მიხვდეს თუ რომელი ადგილის დაკავება გსურთ მის კომპანიაში. ნუ შეგეშინდებათ იმ თანამდებობის დასახელება, რომლის დაკავებაც გსურთ - ეს ძალიან კარგ ტონად ჩაითველბა და ასევე იქნება ზუსტი სიგნალი დამსაქმებლისთვის, რომ თქვენ იცით თუ რა გსურთ, ეს კი ძალიან მნიშვნელოვანია სამსახურის დაწყებისას, როგორც თქვენთვის ასევე კომპანიისთვის.

2. გეშლებათ ქრონოლოგია

ხშირად ადამიანები გასაუბრებაზე იწყებენ ყველა იმ ეტაპის ჩამოთვლას, რომელიც მათ დღემდე გაიარეს ეს კი ძალიან დიდი შეცდომაა - საკუთარი პროფესიული ზრდის შესახებ მოყოლა ყოველთვის უნდა დაიწყოთ ბოლო სამსახურიდან და შემდეგ უნდა დაბრუნდეთ უკან. უკანასკნელი სამსახური უფრო მეტს ამბობს თქვენს გამოცდილებაზე და ეს უფრო ღირებული ინფორმაციაა დამსაქმებლისთვის. ამასთან, ადამიანი, რომელიც ცდილობს ყველაფერი დეტალებში გაიხსენოს და მოყვეს არადამაჯერებლად გამოიყურება დამსაქმებლის თვალში.

3. არ ცდილობთ საკუთარი თავის გაყიდვას

ხშირად ადამიანები ხაზს უსვამენ იმას, თუ რისი გაკეთება უხდებოდათ წინა სამსახურებში და არ არიან კონცენტრირებულები იმაზე, თუ რას მიაღწიეს მათ. თქვენ უნდა აჩვენოთ პოტენციურ დამსაქმებელს, თუ რა პლიუსები ექნება მათ მიერ თქვენს „შესყიდვას“.

4. „მე“-ს ნაცვლად იყენებთ სიტყვას „ჩვენ“

ჯგუფური მუშაობის უნარი, რა თქმა უნდა ძალიან კარგია, თუმცა გახსოვდეთ, რომ როდესაც გასაუბრებაზე მიდიხართ მხოლოდ თქვენ ერთს გსურთ ეს სამსახური და არა თქვენს ძველ კოლექტივს. გასაუბრებაზე აუცილებელია წარმოაჩინოთ თქვენი უნარები - ის თუ რა შეგიძლიათ და არავითარ შემთხვევაში არ მოერიდოთ საკუთარ შესაძლებლობებზე საუბარს. თუ თქვენ ხაზს გაუსვამთ, რომ რაღაც წარმატებას გუნდთან ერთად მიაღწიეთ დამსაქმებელი ვერ შეძლებს თქვენი უანრების სწორად დანახვას.

5. ციფრების საშუალებით არ ამყარებთ საკუთარ წარამტებას

გახსოვდეთ, თქვენი ყველაზე უმნიშვნელო წარმატებაც კი გარკვეულ ციფრებს უკავშირდება, მაგალითად: თქვენი ოფისში მისვლის შემდეგ გაყიდვები 20%-ით გაიზარდა, ან თქვენი მოსწავლეების 100% პროცენტი ჩაირიცხა უმაღლეს სასწავლებელში, ამ და სხვა მსგავსი მაგალითების საშუალებით პოტენციური დამსაქმებელი უფრო კარგად დაინახავს თქვენს პროფესიონალიზმს. თუ თქვენ გეჩვენებათ, რომ თქვენი პროფესიული წარმატება ციფრებში ასახვას არ ექვემდებარება ძალიან ცდებით, რადგან ასეთი პროფესიები არ არსებობს. დაითვალეთ წარმატება დროის, ფულის, პროცენტებისა და ხარისხების საშუალებით.