ქეით მიდლტონისა და პრინცი უილიამის სიყვარულის ისტორია ზღაპარს მოგვაგონებს - მათ ერთმანეთი ჯერ კიდევ უნივერსიტეტში სწავლის პერიოდში გაიცნეს და ერთი წლის განმავლობაში მხოლოდ მეგობრებად რჩებოდნენ. როდესაც მათი რომანის შესახებ ხმები გავრცელდა, ხალხი დარწმუნებული იყო, რომ მათი სიყვარულის ისტორია ქორწინებით არ დაგვირგვინდებოდა - მათი აზრით დედოფალი ელიზაბეტი არ მიიღებდა გოგონას, რომელსაც სამეფო ოჯახის სისხლი არ ექნებოდა. თუმცა ქეითმა არამარტო დედოფლის, არამედ მთლიანად დიდი ბრიტანეთის გულის მოგება შეძლო.
მათი ქორწილი ვესმისტერის სააბატოში 2011 წლის 29 აპრილს შედგა. ცერემონიალის პირდაპირ ტრანსლაციას 2 მილიარდზე მეტი ადამიანი ადევნებდა თვალს. 2013 წელს ქეითმა და უილიამმა გამოაცხადეს, რომ ისინი შვილს ელოდნენ და ამავე წლის ივლისში პრინცი ჯორჯიც დაიბადა. ორი წლის შემდეგ, მაისში პრინცი უილიამის მეუღლემ მეორე შვილი, ამჯერად გოგონა - პრინცესა შარლოტა გააჩინა. 2018 წლის სექტემბერში კი ჰერცოგინიას კიდევ ერთი ორსულობის შესახებ გახდა ცნობილი.
სამეფო პროტოკოლის მიხედვით ქეით მიდლტონსა და პრინც უილიამს არ აქვთ უფლება საზოგადოებაში ხელიხელჩაკიდებულები და მითუმეტეს ჩახუტებულები გამოჩნდნენ, წყვილი ცდილობს მაქსიმალურად დაიცვას ეს წესი. მიუხედავად ამისა, არავის არ უჩნდება ეჭვი მათი სიყვარულის ნამდვილობასთან დაკავშირებით და ამის დამადასტურებელი სურათებიც მრავლად მოიპოვება.