თანამედროვეობის ერთ-ერთი მთავარი სექს-სიმბოლო საზაფხულოდ რჩევებს გვაძლევს. ხანგრძლივი ზამთრის შემდეგ, რთულია ფორმაში სწრაფად ჩადგე. ემილი რატაკოვსკის სხეულს ოცნებას უწოდებენ, რომელიც რეალურად ახდა. როგორ მოვირგოთ საცურაო კოსტიუმი კარგად, რაც შეიძლება მალე?

სპორტი


ემილი არ მალავს, რომ სპორტდარბაზის იშვიათი სტუმარია. გოგონასთვის სატრენაჟორო დარბაზები უბრალოდ მოსაწყენია. ალტერნატივად ის ღია ცის ქვეშ ვარჯიშს მიიჩნევს. ლაშქრობა ან იოგა-ემილი რატაკოსვკი მსგავს ფიზიკურ აქტივობებს მიმართავს და გამოირჩევა იმ მოდელებისგან, რომლებიც მთელ დღეს სპორტულ დარბაზში ატარებენ.

დიეტა

რაც შეეხება დიეტას, აქ მართლაც სიმკაცრეს მიმართავს. ემილის რაციონი შედგება ბოსტნეულის, უცხიმო ხორცისა და ზღვის პროდუქტებისგან. მთავარ ღონისძიებებამდე კი გოგონა წვენის დიეტას ირჩევს. ვაშლი, ჭარხალი, სტაფილო-მათი მეშვეობით გრძნობს თავს თავდაჯერებულად წითელ ხალიჩაზე. თუმცა, მასაც აქვს თავისი სისუსტე: ბატიბუტი, ტკბილეული და მუქი ლუდი. რთულია არ ჭამო სწრაფი კვების პროდუქტები, როცა შენი მეგობარი ბურგერების მოყვარული ბელა ჰადიდია.

ბუნებრივი სილამაზე

26 წლის გოგონას არასოდეს მიუმართავს პლასტიკური ქირურგიისთვის. "თავი კომფორტულად უნდა იგრძნო შენს ბუნებრივ სხეულში"-აცხადებს ემილი.