მეი მასკი წარმოშობით კანადელი მოდელი და დიეტოლოგია, რომელიც ტესლას შემქმნელის - ილონ მასკის დედაც გახლავთ, ულამაზეს ქალბატონს მოდის ინდუსტრიაში  უკვე ორმოცდაათწლიანი სტაჟი აქვს და მიუხედავად იმისა, რომ 71 წლის არის, დღესაც გვაოცებს საკუთარი სტილითა და არც უბერებელი ვიზუალის მიღმა არსებული საიდუმლოს გამხელისგან იკავებს თავს.

სხვადასხვა სამედიცინო საშუალება, უამრავი კოსმეტიკა, მკაცრი დიეტა... ეს ყველაფერი მცირე ჩამონათვალია იმ ყველაფრისა, რომლებსაც ცნობილი ვარსკვლავები საკუთარ ბრწყინვალე გარეგნობას უმადლიან, თუმცა მეი სამ მისთვის ყველაზე მნიშვნელოვან დეტალს გამოყოფს.

1. მოერიდეთ მზეს.

ყველასთვის ცნობილია, რომ მზეზე დიდხანს ყოფნა კანს და ზოგადად მთლიანად ადამიანის ჯანმრთელობას ზიანს აყენებს, სწორედ ამიტომ არის საჭირო მზისგან დამცავი საშუალებების გამოყენება მიზანშეწონილი. თუმცა მეი მასკი პრობლემის ძირფესვიანად აღმოფხვრას არჩევს და  მზეს საერთოდ ერიდება,  D ვიტამინს კი საკვები დანამატებიდან იღებს.

2.ყურადღებით შეარჩიეთ ხალხი, ვისთან ერთადაც ატარებთ დროს.

„ადამიანის თავდაჯერებულობა ცხოვრების მანძილზე ხშირად ეცემა და ამ ყველაფერს უნდა გაუმკლავდეთ, ადამიანები კი რომლებიც თქვენ მიმართ კეთილები არიან, ამაში დაგეხმარებიან, თუ კი თქვენ ნეგატიური ურთიერთობა გაქვთ პირად თუ პროფესიულ პარტნიორებთან, აუცილებლად უნდა მოერიდოთ მათ“ -აღნიშნავს მოდელი.

3. მიაკვლიეთ თქვენს ყველაზე უბრალო სტილს, რომელშიც ლამაზად გამოიყურებით.

მიუხედავად იმისა, რომ მოდელს სხვადასხვა ფოტოსესიის დროს ხშირად უწევდა მკვეთრი და მძიმე მაკიაჟის ტარება, ის მიიჩნევს რომ  ქალბატონებმა აუცილებლად უნდა მიაკვლიონ ისეთი ბუნებრივი მაკიაჟის ფორმულას, რომელიც მათ გარეგნობას უხდება.  ამასთანავე, მეი  ფრჩხილის ლაქის გამოყენებისგანაც იკავებს თავს და ეს ტრენდი ბოლო დროს სხვა ცნობილ ვარსკვლავებშიც შეინიშნება.