სულ მალე, დევიდ ბექჰემის გულშემატკივრები გაიგებენ და საკუთარ თავზე გამოცდიან თუ როგორ უვლის საკუთარ თავს დიდი ბრიტანეთის ერთ-ერთი ყველაზე სექსუალური მამაკაცი. მსხვილ კოსმეტიკურ კომპანიასთან L’Oreal Luxe-სთან ერთად, ყოფილმა ფეხბურთელმა მამაკაცის თავის მოვლის საშუალებების საკუთარი ხაზი შექმნა: House 99. დევიდმა თითოეული პროდუქტის შექმნაში უშუალოდ მიიღო მონაწილეობა და ტესტირებასაც საკუთარ თავზე ახდენდა, რათა მათ ეფექტურობასა და ხარისხში დარწმუნებული ყოფილიყო.

ბრენდის სახელი შემთხვევით არ შერჩეულა: სიტყვა house-ის გარშემო ის თანამოაზრე წარმატებული მამაკაცები იგულისხმებიან, რომლებისთვისაც გარეგნული იერსახე სულერთი არაა. რიცხვი 99-იც სიმბოლურია: პირველ რიგში ის დევიდის და ვიქტორიას ქორწინების წელს ასახავს, ასევე ბრუკლინის დაბადებას და "მანჩესტერში" დიდ გამარჯვებებს.

ხაზი 13 პროდუქტს მოიცავს, რომლების ამ წლის მარტიდან გაიყიდება. ბექჰემი საკუთარი სილამაზის ბრენდის შექმნით მამაკაცების შთაგონებას ცდილობს: თითეული პროდუქტი კომფორტულია გამოსაყენებლად. "თავის მოვლა არამხოლოდ ისტორიაა იმაზე თუ როგორ გამოიყურები, არამედ იმაზეც თუ როგორ გრძნობ თავს."