ძილის წინ ჭამა არც თუ ისე კარგი ჩვევაა, რომელიც ძალიან ცუდად მოქმედებს ჩვენს ჯანმრთელობაზე, წონაზე, სხეულის ფორმებზე და არ გვაძლევს საშუალებას კარგად გამოვიძინოთ. მაგრამ როცა გვშია მაცივრისკენ მიმავალ გზაზე ყველაფერი გვავიწყდება და საათისკენ გახედვასაც კი ვერიდებით, თუმცა არსებობს რამდენიმე ხერხი, თუ როგორ შეიძლება დავიძინოთ ისე, რომ სამზარეულოსკენ საერთოდ არ მოგვიწიოს გახედვა.
1.
შეიძლება ცოტა უცნაურად მოგეჩვენოთ მაგრამ დილის სწორი საუზმით შესაძლოა ღამე გვიან ჭამას გადაეჩვიოთ, ამისთვის კი შემწვარი კვერცხის საუკეთესო დამხმარეა. კვერცხი ორჯერ უფრო მსუყეა ვიდრე ფაფა ან პური, ასევე ის ამცირებს შიმშილის შეგრძნებას და 24 საათის განმავლობაში სხეული ინარჩუნებს მიღებულ კალორიებს.
2.
შეეცადეთ არ მოიმარაგოთ ტკბილეული, რადგან როდესაც შიმშილის შეგრძნება შემაწუხებელი ხდება, პირველი რისკენაც ადამიანი მიილტვის სწორედ სასუსნავებია. თუ არ შეგიძლიათ სასუსნავების გარეშე გაძლება მაშინ შეგიძლიათ ხილი მოიმარაგოთ ტკბილეულის მაგივრად.
3.
შემჭვარი კერძები, სწრაფი კვების ობიექტების პროდუქტი, ტკბილი გაზიანი სასმელები, ღვეზელები, ცხიმიანი სოუსები და ალკოჰოლი - ღამის საათებში მაქსიმალურად მოერიდეთ მსგავსი პროდუქტის მიღებას.
4.
მარილი და სანელებლები შიმშილის შეგრძნებას უფრო ამწვავებენ. იმისთვის, რომ კერძის ნატურალური გემო შეიგრძნოთ მათ მაგივრად შესაძლოა ხახვი, მწვანილი და ნიორის გამოყენება.
5.
ვახშამში ბროკოლის დამატება დაგეხმარებათ უფრო დიდხანს იგრძნოთ თავი დანაყრებულად.
6.
დამტკიცებულია, რომ სპორტი არა მარტო კალორიების სწრაფად დაწვაში, არამედ მადის დაქვეითებაშიც გვეხმარება. ასევე ვარჯიშის საშუალებით შესაძლებელია სტრესისგან გათავისუფლება, რომელიც ხშირად გვიშლის ხელს დაძინებაში.
7.
ღამის შიმშილის შეტევა შეგიძლიათ „გაყინოთ“ კიდეც. 17-18 გრადუსში ორგანიზმი 7%-ით მეტ კალორიას წვავს ვიდრე სითბოში. ამიტომ საღამოს ცხელი შხაპის ნაცვლად ცივი შხაპი მიიღეთ და შიმშილის შეგრძნებაც შედარებით იკლებს.
8.
ჩვენ ხშირად გვეშლება წყურვილი და შიმშილი ერთმანეთში, ამიტომ იმ შემთხვევაში თუ ღამის საათებში შიმშილმა შეგაწუხათ კეფირის ნაცვლად შეგიძლიათ წყალი დალიოთ და დააკვირდეთ ნაკლებად შემაწუხებელი გახდება თუ არა შიმშილის შეგრძნება თქვენთვის.
9.
საღამოს კბილების გამოხეხვის შემდეგ, ტვინი იღებს სიგნალს: „დღეს საჭმელი აღარ იქნება!“ და შესაბამისად თქვენ უფრო ნაკლებად გშივდებათ. ასევე პიტნის და მენთოლის გემო აქვეითებს ჭამის მადას.
10.
და ბოლოს ეცადეთ დაიძინოთ ადრე, რადგან თითოეული დამატებით გამოძინებული საათი ამცირებს კალორიების მიღების რისკს ზუსტად 6%-ით. ასე, რომ მიეცით თქვენს ფანტაზიას გასაქანი და გამოიძინეთ გემრიელად ამ სიტყვის პირდაპირი და გადატანითი მნიშვნელობებით.
