ნაყინი ის გემრიელი დესერტია, რომელიც პატარებსა და ზრდასრულებს თანაბრად უყვართ, იტალიური ნაყინის სახლში მოსამზადებლად მცირეოდენი ძალისხმევა დაგჭირდებათ, შედეგად კი დაუვიწყარ გემოს და ჯანსაღ დესერტს მიიღებთ.

მოსამზადებლად დაგჭირდებათ:

500 გრამი ნაღები

180 გრამი შაქრის ფხვნილი

4–5 ცალი კვერცხი

50–70 გრამი შავი შოკოლადი

კაკაო – გემოვნებით.

მომზადების წესი: ავიღოთ საშუალო ზომის ჯამი, გავტეხოთ კვერცხის გული და კარგად ავქვიფოთ შაქრის ფხვნილთან ერთად, მასის გათეთრებამდე. ხოლო ცილა ავთქვიფოთ 1 მწიკვ მარილთან ერთად, სანამ ქაფი არ გამაგრდება.

ცალკე ათქვიფეთ ნაღები, შემდეგ კი ყველა ინგრედიენტი ნელ–ნელა ერთმანეთს შეურიეთ და დაამატეთ გახეხილი შოკოლადი. მოათავსეთ ნაყინი კონტეინერში და გააჩერეთ მაცივარში მინიმუმ 2 საათის მანძილზე. მირთმევამდე, გაყინულ ნაყინს შეგიძლიათ, გემოვნების მიხედვით, მოაყაროთ კაკაო.