არაა საიდუმლო რომ ბურგერები და პიცა მაღალკალორიული საკვებია და ფიგურისთვის საკმაოდ მავნებელია. წარმოგიდგენთ 3 ეფექტურ რჩევას, თუ როგორ მივირთვათ სწრაფი კვების პროდუქტი ისე, რომ ზედმეტი კილოგრამები არ მოვიმატოთ.



#1 ძირითადი კერძისთვის ბოსტნეულის სალათა შეუკვეთეთ

დიდი პორცია სწრაფი კვების ნაცვლად, პატარა პორცია სწრაფი კვების პროდუქტი შეუკვეთეთ და ბოსტნეულის სალათა დაამატეთ. ეს დაგანაყრებთ და ზედმეტ კალორიებსაც გაექცევით. ბოსტნეულის შემცველობა საჭმლის სწორ მონელებას უწყობს ხელს. ამასთან, სალათა ვიტამინებით და მინერალებით აგავსებთ. სწრაფი კვების პროდუქტებში ეს პრაქტიკულად არარსებულია.

#2 უარი თქვით სოუსებსა და გაზიანი სასმლის მიყოლებაზე

სოუსებში ბევრი კალორია და მარილია. უარი თქვით მაიონეზზე ან კეტჩუპზე და 200 კილოკალორიას დაზოგავთ. ასევე მკაცრი უარი თქვით გაზიან სასმელებზე, სჯობს ისინი ხილის ფრეშით ან მწვანე ჩაით ჩაანაცვლოთ. ეს პროდუქტები ორგანიზმს ვიტამინებით და ანტიოქსიდანტებით კვებავს და ფიგურის მავლებლობით არ გამოირჩევა.

#3 ეცადეთ ჭამოთ ნელა და დღის პირველ ნახევარში

სწრაფი კვების პროდუქტებს ძირითადად სწრაფად, გზაში ყოფნისას ჭამენ, მაგრამ ეს დიდი შეცდომაა. "მავნე საკვები" რაც შეიძლება ნელა უნდა მიირთვათ. ასე ზუსტად იგრძნობთ დანაყრებას და ზედმეტს აღარ დაამატებთ. ასევე, ეცადეთ რომ სწრაფ კვებას დილას ან დღის პირველ ნახევარში მიმართოთ. ამ დროს თქვენი ორგანიზმი უფრო აქტიურია და დღის განმავლობაში მიღებულ კალორიებს თავისუფლად დაწვავთ.