დიდი ხანია გრძელდება დავა იმის შესახებ, უნდა მივირთვათ თუ არა ხორცი. ორივე მხარეს მუდამ აქვს უახლესი არგუმენტები საკუთარი მოსაზრების გასამყარებლად. ავსტრიაში მდებარე გრანცის უნივერსიტეტის ახალმა კვლევებმა კიდევ ერთხელ გაამყარა ხორცის მოყვარულთა არგუმენტები.

კვლევაში მონაწილეობა მიიღო 1320-მა ადამიანმა, რომლებიც 4 ჯგუფად დაყვეს: (1) ვეგეტარიანელები, (2) ხორცის მოყვარულები, რომლებიც ბევრ ხილს და ბოსტნეულს მიირთმევენ, (3) ადამიანები, რომლებიც ხორცსა და ჯანსაღ პროდუქტებს ერთნაირი დოზებით იღებენ და (4) ბევრი ხორცის მოყვარული გურმანები, რომლებიც ხილსა და ბოსტნეულს ძალიან მცირე რაოდენობით იღებენ.

როგორც კვლევებმა დაადასტურა ნაკლები ხორცის მიღება იწვევს ალერგიის მაღალ რისკებს - ვეგეტარიანელების 30,6%-ს აღმოაჩნდა ალერგიისკენ მიდრეკილება, ხოლო ხორცის მოყვარულების მხოლოდ 16,4% იტანჯება ამ დაავადებით. დეპრესიისკენ მიდრეკილება ვეგეტარიენელების 9,4%-ს აქვს, ხოლო ხორცის მოყვარულების 4,5%-ს. სიმსივნისკენ მიდრეკილება ვეგეტარიანელების 4,8%-ს აქვს ხოლო ხორცის მოყვარულების სულ რაღაც 1,8%-ს. ამასთან კვლევების მიხედვით ვეგეტარიანელები ნაკელბად სვამენ ალკოჰოლს, თუმცა მათი ჯანმრთელობის მდგომარეობა მაინც უფრო სუსტია ვიდრე ხორცის მოყვარულებისა, რომლებიც ალკოჰოლის შედარებით მეტ დოზებს იღებენ. ამას გარდა ისინი ნაკლები სიხშირით სტუმრობენ ექიმებს და ასევე ნაკლებად იტანჯებიან ქრონიკული დაავადებებით.

რა თქმა უნდა, ერთი კვლევა დიდი ხნის წინ დაწყებულ დავას წერტილს ვერ დაუსვამს, ამიტომ ეს არ ნიშნავს, რომ დღეში ორჯერ უნდა დავიწყოთ სტეიკის ჭამა. მაგრამ შემდეგ ჯერზე, როდესაც ნაცნობი ვეგეტარიანელი დაგიწყებთ გაკრიტიკებას კოტლეტის ჭამის დროს, შეგიძლიათ მას ეს არგუმენტი მოუყვანოთ.